సౌత్ ఇండస్ట్రీలోనే సరికొత్త రికార్డ్.. బాలయ్య ధాటికి చిరు ఖతం.. ‘అఖండ’విజయం ఖాయం

రికార్డులు క్రియేట్ చేయాలన్నా.. వాటిని తిరగరాయాలన్నా మేమే అంటూ సింహా సినిమాలో నందమూరి బాలకృష్ణ చెప్పిన డైలాగ్ అందరికీ గుర్తుండే ఉంటుంది. అది ఎవరి గురించి చెప్పారు.. ఎందుకు చెప్పారు అనే విషయం కూడా పరోక్షంగా అందరికీ తెలిసిందే. అయితే రికార్డుల విషయంలో ఎప్పుడూ కూడా మెగా నందమూరి అభిమానుల మధ్య వాగ్వాదం జరుగుతూనే ఉంటుంది. అయితే ఇప్పుడు మాత్రం ఎవ్వరికీ అందనంత ఎత్తులో ఉన్నారు. బాలయ్య బోయపాటి శ్రీను కాంబినేషన్ అంటే ప్రతీ ఒక్కరికీ అంచనాలు అందనంత ఎత్తులో ఉంటాయి. నందమూరి అభిమానులే కాకుండా సగటు సినీ ప్రేక్షకులు సైతం ఆ కాంబో మీద ప్రత్యేక శ్రద్దను కనబరుస్తుంటారు. ఇప్పుడు ఈ కాంబోలో హ్యాట్రిక్ చిత్రం రాబోతోంది. సింహా, లెజెండ్ వంటి బ్లాక్ బస్టర్ల తరువాత ఈ కాంబో మళ్లీ బాక్సాఫీస్ మీద దాడి చేసేందుకు రాబోతోంది. అంటూ అఘోరాగా బాలయ్య విశ్వరూపాన్ని చూపించేందుకు బోయపాటి రెడీ అయ్యారు. ఈ మేరకు వదిలిన చిన్నపాటి టీజర్, టైటిల్ పోస్టర్ సోషల్ మీడియాలో సంచలనాలు నమోదు చేస్తున్నాయి. బాలయ్య దెబ్బకు యూట్యూబ్ మోత మోగిపోతోంది. మొత్తం సౌత్ సినీ ఇండస్ట్రీలోనే బాలయ్యకు తిరుగులేకుండా పోయింది. సీనియర్ హీరోల్లో యాభై మిలియన్ల వ్యూస్ కొల్లగొట్టిన టీజర్ ఇప్పటి వరకు ఎవ్వరి ఖాతాల్లోనూ లేదు. అఖండ టైటిల్ రోర్ అంటూ వదిలిన ఈ చిన్న వీడియో ఇప్పటికీ 50 మిలియన్ల వ్యూస్‌ను కొల్లగొట్టింది. చిరంజీవి ఆచార్య టీజర్ మాత్రం అఖండకు ఆమడ దూరంలో ఉంది. ఈ లెక్కన బాలయ్య రికార్డులను చిరు అందుకోవడం అంతా సులభంగా జరిగే పని కాదు. ఇప్పటి వరకు 50 మిలియన్ల వ్యూస్ కొల్లగొట్టిన టీజర్ కూడా లేదు. మొన్నీ మధ్యే ఆర్ఆర్ఆర్ నుంచి ఎన్టీఆర్ కొమరం భీం టీజర్‌ ఈ ఫీట్ అందుకుంది. అలా మొత్తం బాలయ్య దెబ్బకు అందరి రికార్డులు బద్దలయ్యాయ్. ఇక ఈ టైటిల్ రోర్ ఇలా ఉంటే సినిమాకు అఖండ విజయం ఖాయమనిపిస్తోందంటూ నెటిజన్లు కామెంట్లు పెడుతున్నారు.

from Telugu Movie News | Movie News in Telugu | Movie Gossips in Telugu https://ift.tt/3eLYo9o
v