కపూర్ ఫ్యామిలీలో కరోనా కలకలం.. రణధీర్ కపూర్‌కు పాజిటివ్ రావడంతో కుటుంబంలో ఆందోళన

దేశంలో అక్కడా ఇక్కడా అని లేదు ఎక్కడ చూసినా మహమ్మారి దాడి మాత్రమే కనిపిస్తోంది. లక్షలాది మంది కరోనా బారిన పడటం చూస్తున్నాం. సినీ ఇండస్ట్రీని సైతం కరోనా మహమ్మారి వీడటం లేదు. ఫస్ట్ వేవ్‌లో కొంతమంది సినీ ప్రముఖులు కరోనా బారినపడి మరణించిన సంగతి తెలిసిందే. అయితే ఇప్పుడు సెకండ్ వేవ్ కూడా ఇండస్ట్రీని పట్టిపీడిస్తోంది. ఇప్పటికే కొందరు సినీ ప్రముఖులు కరోనా సోకి చికిత్స తీసుకుంటుండగా.. తాజాగా ఆ మహమ్మారి కపూర్ ఫ్యామిలీలో ప్రవేశించిందని తెలియడం బాలీవుడ్ వర్గాల్లో ఆందోళన కలిగిస్తోంది. సీనియర్ నటుడు రణధీర్‌ కపూర్‌కు కొవిడ్‌ పాజిటివ్‌ అని తేలింది. ఆరోగ్యం విషమించడంతో వెంటనే ఆయనను ముంబైలోని కోకిలాబెన్ హాస్పిటల్‌లో చేర్పించారు. అక్కడి వైద్యుల పర్యవేక్షణలో ఆయనకు మెరుగైన చికిత్స అందిస్తున్నారు. కాగా గతేడాది సరిగ్గా ఇదే సమయం అనగా ఏప్రిల్ 30వ తేదీన రణధీర్‌ కపూర్‌ సోదరుడు, ప్రముఖ నటుడు రిషి కపూర్ మరణించిన సంగతి తెలిసిందే. ఆ ఘటన జరిగాక సంవత్సరానికి రణధీర్‌ కపూర్‌‌కి కరోనా సోకి ఆసుపత్రి పాలు కావడంతో ఆయన కుటుంబ సభ్యులు ఆందోళన చెందుతున్నారు. అయితే రణధీర్ కపూర్ ఆరోగ్యంపై స్పందించిన కోకిలాబెన్ హాస్పిటల్‌ వైద్యులు.. గత రాత్రి నుంచి ఆయనకు చికిత్స అందిస్తున్నామని, ప్రస్తుతానికైతే ఆయన ఆరోగ్యం నిలకడగా ఉందని చెప్పడంతో అందరూ కాస్త ఊపిరి పీల్చుకున్నారు. రణధీర్ కపూర్ త్వరగా కోలుకొని తిరిగి పూర్తి ఆరోగ్యంతో బయటకు రావాలని పలువురు సినీ ప్రముఖులు సోషల్ మీడియాలో ట్వీట్స్ పెడుతున్నారు.

from Telugu Movie News | Movie News in Telugu | Movie Gossips in Telugu https://ift.tt/3xvNDRr
v