‘పటాస్’ సినిమాతో టాలీవుడ్‌లో తన కెరీర్‌ ప్రారంభించిన దర్శకుడు ఆ తర్వాత వరుసగా హిట్లు సాధించి.. స్టార్ డైరక్టర్ స్థానం సంపాదించుకున్నాడు. లేటెస్ట్‌గా సూపర్‌స్టార్ మహేశ్‌బాబు హీరోగా అనిల్ తెరకెక్కించిన ‘సరిలేరు నీకెవ్వరు’ సినిమా ఏ రేంజ్ సక్సెస్ సాధించిందో అందరికి తెలిసిందే. ఈ సినిమా తర్వాత కాస్త గ్యాప్ తీసుకున్న అతను.. తన సూపర్‌హిట్ చిత్రం ‘ఎఫ్2’కి సీక్వెల్‌గా ‘ఎఫ్3’ సినిమాని రూపొందిస్తున్నాడు. ఎఫ్2 కంటే రెట్టింపు కామెడీ, ఫన్‌తో ఈ సినిమాను తెరకెక్కిస్తున్నట్లు తెలుస్తోంది. అయితే ఈ సినిమా తర్వాత అనిల్ రావిపూడి.. నందమూరి బాలకృష్ణతో ఓ సినిమా చేస్తున్నాడని ఫిలిమ్ నగర్‌లో వార్తలు వస్తున్నాయి. బాలకృష్ణ ప్రస్తుతం బోయపాటి శ్రీను దర్శకత్వంలో తెరకెక్కుతున్న హ్యాట్రిక్ చిత్రం ‘’లో నటిస్తున్నారు. ఇటీవల విడుదలైన ఈ సినిమా టైటిల్ రోల్‌కి విశేషమైన ఆదరణ లభించింది. తన కెరీర్‌లో తొలిసారిగా బాలకృష్ణ ఈ సినిమాలో ఆఘోరీ లుక్‌లో కనిపించనున్నారు. ఇక ఈ సినిమా తర్వాత మైత్రీ మూవీ మేకర్స్ బ్యానర్‌లో గోపిచంద్ మలినేని దర్శకత్వంలో ఆయన మరో సినిమా చేయనున్నారు. దీని తర్వాత బాలకృష్ణ, అనిల్ రావిపూడి కాంబినేషన్‌లో సినిమా వస్తుందని టాక్. ఇప్పటికే అనిల్ రావిపూడి ఓ పవర్‌ఫుల్ స్క్రిప్ట్‌ని బాలకృష్ణకి వినిపించాడట. ఈ విషయాన్ని అనిల్ ఇటీవల ఓ ఇంటర్వ్యూలో వెల్లడించాడు. అయితే బాలకృష్ణ నుంచి ఇంకా గ్రీన్ సిగ్నల్ రాలేదని సమాచారం. కానీ అనిల్ ఇప్పటికే ఈ సినిమాపై కసరత్తు ప్రారంభించాడట. తన రెగ్యులర్ సినిమాల్లా కాకుండా.. బాలకృష్ణ రేంజ్‌కు తగ్గట్లు సినిమాని ప్లాన్ చేస్తున్నాడట. షైన్ స్క్రీన్స్ బ్యానర్‌పై దాదాపు రూ.75 కోట్ల బడ్జెట్‌తో ఈ సినిమా రూపొందనుందని సమాచారం. ఈ మధ్య కరోనా నుంచి కోలుకున్న అనిల్.. త్వరలో ‘ఎఫ్3’ సినిమా షూటింగ్‌లో పాల్గొననున్నాడు. ఆ సినిమా పూర్తయిన వెంటనే బాలయ్య-అనిల్ కాంబో సినిమాపై ప్రకటన వెలువడే అవకాశం ఉంది.
from Telugu Movie News | Movie News in Telugu | Movie Gossips in Telugu https://ift.tt/3xx5Bmo
v
No comments:
Post a Comment