సినీ నటిగా వెండితెరపై ఓ వెలుగు వెలిగిన అలనాటి నటి రోజా. ఆ తర్వాత రాజకీయాల్లో కూడా సత్తా చాటారు. ఓవైపు క్రియాశీలక రాజకీయాల్లో బిజీగా ఉంటూనే.. సినిమాల్లో సెకండ్ ఇన్నింగ్స్ ప్రారంభించారు. సినిమాల్లో తల్లి పాత్రలు చేయడంతో పాటు.. బుల్లితెరపై కూడా ఆమె సందడి చేస్తున్నారు. ముఖ్యంగా తెలుగులో అతి పెద్ద కామెడీ షో ‘జబర్దస్త్’కి ఆమె మొదటి నుంచి జడ్జిగా ఉంటున్నారు. గత కొంతకాలంగా అయితే.. స్కిట్లలో కమెడియన్లు వేసే పంచుల కంటే వేసే పంచ్లే జనాలకు నచ్చుతున్నాయి. ఇక ఇంట్రోలో యాంకర్లతో రోజా చేసే డ్యాన్స్కి సెపరేట్ ఫ్యాన్స్ బేస్ ఉందనుకోండి. అసలు విషయానికొస్తే.. గతంలో కొన్ని సందర్భాల్లో రోజా జబర్దస్త్కి దూరమయ్యారు. ఎన్నికల కోసమో.. లేక వేరే షూటింగ్లలో బిజీ ఉండటం వల్లనో ఆమె కొన్ని ఎపిసోడ్లలో పాల్గొనలేదు. కానీ, గత మూడు, నాలుగు వారాలుగా జబర్దస్త్ షోలో రోజా కనిపించడం లేదు. ఆమె స్థానంలో మరో సీనియర్ నటి ఇంద్రజ జడ్జిగా వచ్చారు. మొదలు జబర్దస్త్కి మాత్రమే జడ్జిగా వచ్చిన ఇంద్రజ.. వచ్చే శుక్రవారం వచ్చే ఎక్స్ట్రా జబర్దస్త్కి కూడా జడ్జిగా వ్యవహరించనున్నారు. దీంతో రోజా జబర్దస్త్కి పూర్తిగా దూరమైపోయిందనే పుకార్లు ప్రారంభం అయ్యాయి. గతంలో రోజా జబర్దస్త్ మానేసినప్పుడు కారణాలు స్పష్టంగా తెలిశాయి. కానీ, ఇప్పుడు ఎలాంటి కారణం తెలియకపోవడంతో ఎవరికి తోచినట్లుగా వాళ్లు ఊహించేసుకుంటున్నారు. కొందరు ఆమెకు కరోనా వచ్చిందని.. మరికొందరు నిర్మాణ సంస్థతో విబేధాలు తలెత్తి ఆమె షో నుంచి తప్పుకుంది అంటూ ఎవరికి తోచిన విధంగా వాళ్లు ప్రచారం చేస్తున్నారు. కానీ, అసలు కారణం ఏంటంటే.. కొద్ది రోజుల క్రితం చెన్నైలోని అపోలో ఆస్పత్రిలో రోజాకు రెండు ప్రధాన శస్త్ర చికిత్సలు జరిగాయి. ఈ క్రమంలో కొన్ని రోజుల పాటు ఇంట్లోనే ఉంటూ విశ్రాంతి తీసుకోవాలని ఆమెకు వైద్యులు సూచించారట. దీంతో తన ఇంటినే ఆఫీసుగా మార్చుకున్నారట రోజా. తన వ్యక్తిగత పనులతో పాటు నియోకవర్గ పనులు, ఇతర పనులను కూడా ఆమె ఇంటి నుంచే చేస్తున్నానని ఆమె వెల్లడించారు. పూర్తిస్థాయిలో కోలుకున్న తర్వాత నగరిలో పర్యటించి.. ప్రజా సమస్యలను తెలుసుకుంటానని ఆమె తెలిపారు.
from Telugu Movie News | Movie News in Telugu | Movie Gossips in Telugu https://ift.tt/3aiHP3r
v
No comments:
Post a Comment