ఎన్ని అడ్డంకులు వచ్చినా వెనకడుగు వేయని శంకర్.. అపరిచితుడు హిందీ రీమేక్‌కి హీరోయిన్ ఫిక్స్?

విక్రమ్ హీరోగా, సెన్సేషనల్ దర్శకుడు తెరకెక్కించిన బ్లాక్‌బస్టర్ చిత్రం ‘అన్నియన్’ (తెలుగులో అపరిచితుడు). 2005లో విడుదలైన ఈ సినిమా బ్లాక్‌బస్టర్ హిట్‌గా నిలిచింది. మూడు విభిన్నమైన పాత్రల్లో నటించిన విక్రమ్ ఈ సినిమాకి జాతీయ పురస్కారాన్ని కూడా అందుకున్నాడు. అయితే ఇప్పుడు ఈ సినిమాని హిందీలో రీమేక్ చేయాలనే ప్రయత్నాలు ప్రారంభించాడు శంకర్. హీరోగా.. త్వరలో ఈ సినిమాని హిందీలో రీమేక్ చేస్తున్నట్లు కొద్ది రోజుల క్రితం ప్రకటించాడు. దీనిపై అన్నియన్ నిర్మాత వి.రవిచంద్రన్ ఫైర్ అయ్యారు. సినిమా పూర్తి హక్కులు తన వద్దే ఉన్నాయని.. తన అనుమతి లేకుండా సినిమాను రీమేక్ చేస్తే.. చట్టరీత్యా చర్యలు తీసుకుంటామని లీగల్ నోటీసులు కూడా జారీ చేశారు. మరోవైపు శంకర్ కూడా దీనిపై ధీటుగా స్పందించారు. అన్నియన్ కథ, స్క్రీన్‌ప్లే, పాత్రలు ఇలా ప్రతీ అంశంపై తనకు హక్కుల తనవేనని స్పష్టం చేసిన శంకర్ ఈ సినిమాని ఏ విధంగా అయినా రీమేక్ చేసుకొనే అధికారం తనకు ఉందని అన్నారు. అయితే సినిమాను అడ్డుకోవడానికి ఎన్ని అడ్డంకులు ఏర్పడుతున్నా.. శంకర్ సినిమా పనులు మాత్రం అపడం లేదు. ఈ సినిమాకు సంబంధించి మరో ఆసక్తికర వార్త ప్రస్తుతం సోషల్‌మీడియాలో చక్కర్లు కొడుతోంది. ఈ సినిమాలో హీరోయిన్‌గా కియారా అడ్వాణీని తీసుకుంటున్నారనే టాక్ వినిపిస్తోంది. ఈ విషయంపై శంకర్ ఇప్పటికే కియారాతో సంప్రదింపులు జరపగా.. ఆమె అందుకు అంగీకారం తెలిపినట్లుగా తెలుస్తోంది. అయితే దీనిపై ఇప్పటివరకూ అధికారికంగా ప్రకటన లేదు.

from Telugu Movie News | Movie News in Telugu | Movie Gossips in Telugu https://ift.tt/3dnVqIW
v