బిగ్ బాస్ షోలో అఖిల్ చేసిన సందడి గురించి రెండు తెలుగు రాష్ట్రాల్లో అందరికీ తెలిసిందే. ఈ ఇద్దరి మధ్య ప్రేమ, స్నేహం,కోపం, ద్వేషం ఇలా అన్ని ఎమోషన్స్‌ను బిగ్ బాస్ ఇంట్లో మనమంతా చూశాం. ఇక మోనాల్ ఆడిన ఆట అయితే అందరికీ ఆశ్చర్యం వేసేలా ఉంటుంది. అభిజిత్ అవినాష్ అంటూ మోనాల్ ఒక్కో సందర్భంలో ఒక్కోలా ఉంటూ వచ్చారు. బిగ్ బాస్ నాల్గో సీజన్ మొత్తంలో మోనాల్ లేని ఎపిసోడ్ ఉండదు. అంతలా మోనాల్ ప్రభావితం చేసింది. ఉంటే అఖిల్‌తో.. లేదంటే అభిజిత్‌తో.. ఈ ఇద్దరూ కాదంటే అవినాష్‌తో.. ఎవరో ఒకరితో మోనాల్ ట్రాక్ నడుపుతూనే వచ్చారు. అలా మొత్తానికి జనాల దృష్టిలో మోనాల్ బాగానే పడ్డారు. చివరి వరకు మోనాల్ అఖిల్ జంట మాత్రం నిలిచిపోయారు. అది ప్రేమో? స్నేహమో అనే క్లారిటీ ఇవ్వలేదు. క్లారిటీ ఇచ్చినా వారు చేసే చేష్టలకు, చెప్పే మాటలకు పొంతన ఉండటం లేదు. బుల్లితెరపై ఈ ఇద్దరూ చేసే రచ్చ మామూలుగా ఉండటం లేదు. బయటకు వచ్చాక మోనాల్ అఖిల్ మరింత దగ్గరయ్యారు. బిగ్ బాస్ ఇంట్లో అయితే కనీసం మిగతా వాళ్లు ఉండేవారు కాబట్టి.. అప్పుడో ఇప్పుడో మాట్లాడేది. అభిజిత్‌తో మాట్లాడాలని ప్రయత్నించేది. కానీ బయటకు వచ్చాక అభిజిత్ అంటే అంత ఎత్తున లేస్తోంది. ఇప్పుడు ఈ ఇద్దరి మధ్య పచ్చగడ్డి వేస్తే భగ్గుమనేలా వ్యవహారం నడుస్తోంది. ఇప్పుడు మెనాల్ తన పూర్తి సమయాన్ని అఖిల్‌కే ఇస్తున్నట్టు కనిపిస్తున్నారు. నిన్న మోనాల్‌తో అఖిల్ వీడియో కాల్ మాట్లాడిన సంగతి తెలిసిందే. వీడియో కాల్ మాట్లాడిన అనంతరం ప్రేమ గురించి వేదాంతం చెప్పుకొచ్చారు. ప్రేమ, క్యాన్సర్ ఒక్కటే.. అది సైలెంట్‌గా వస్తుంది.. మనల్ని చంపేసి తీసుకెళ్తుంది అని అఖిల్ వెరైటీ పోస్ట్ పెట్టారు. అయితే ఈ ఇద్దరి మధ్య వ్యవహారం ఏదో తేడా కొడుతోందని అందరూ అనుకున్నారు. కానీ తాజాగా అఖిల్ మోనాల్‌కు షాక్ ఇచ్చాడు. హైద్రాబాద్‌లో అడుగుపెట్టిన మోనాల్‌కు అఖిల్ సర్‌ప్రైజ్ ఇచ్చాడు. వెనకలా నుంచి అఖిల్ చేయి వేయడంతో మోనాల్ షాక్ అయిపోయింది. అఖిల్‌ను అలా చూసి ఆశ్చర్యపోయి ఏడుపు ప్రారంభించింది. అనంతరం అఖిల్‌ను ఎయిర్ పోర్ట్‌లోనే అందరి ముందే హగ్ చేసుకుంది. ఇక తనకు అఖిల్ రెండో గిఫ్ట్ ఇచ్చాడంటూ ఆనందాన్ని వ్యక్తం చేసింది మోనాల్.
from Telugu Movie News | Movie News in Telugu | Movie Gossips in Telugu https://ift.tt/2QKrUnQ
v
No comments:
Post a Comment