పవర్ స్టార్ అభిమానులు ఎప్పుడెప్పుడా అని ఎదురు చూసిన ‘’ ట్రైలర్ వచ్చేసింది. ‘కోర్టులో వాదించడం తెలుసు.. కోటు తీసి కొట్టడమూ తెలుసు’ అంటూ టీజర్‌తో తన పాత్ర ఎలా ఉండబోతుందోనన్న దానిపై హింట్ ఇచ్చిన పవన్ కళ్యాణ్.. ట్రైలర్‌లో విశ్వరూపం చూపించారు. కోర్టు సీన్ల నేపథ్యంలో ఈ ట్రైలర్ ఆద్యంతం ఆసక్తిగా ఉంది. నువ్ వర్జిన్‌వా అని క్రిమినల్ లాయర్ ప్రకాష్ రాజ్.. నివేదా థామస్‌ని ఇబ్బంది పెట్టేలా ప్రశ్నలు అడగడం.. ఆ తరువాత ముగ్గురు యువతలకు జరిగిన అన్యాయాన్ని ట్రైలర్‌లో చూపించారు. ఈ కేసు నిమిత్తం వాదించడానికి కోర్టులోకి ఎంట్రీ ఇచ్చిన పవర్ స్టార్.. లాయర్ (నందా) ప్రకాష్ రాజ్‌ని ముప్పుతిప్పలు పెట్టారు. ‘సరిగ్గా చెప్పండి.. ఏం చెప్పారు? ఏం చేశారు’? అంటూ కోర్టులో బలంగానే వాదనను వినిపించారు వకీల్ సాబ్. అలా జరగొద్దు జరగకూడదు పవర్ స్టార్ చెప్పే పవర్ ఫుల్ డైలాగ్‌తో పాటు.. చివర్లో అదిరిపోయే పంచ్ కూడా ఉంది. ‘నువ్ వర్జిన్‌వా.. మీరు అమ్మాయిల్ని అడగొచ్చు.. నేను అబ్బాయిల్ని అడగకూడదా? ఏం న్యాయం నందాజీ ఇది.? కూర్చోండి.. కూర్చోండి చాలు’ అంటూ ప్రకాష్ రాజ్‌కి పంచ్ ఇచ్చారు పవర్ స్టార్. పవన్ కళ్యాణ్ రీ ఎంట్రీ మూవీ కావడంతో ఈ చిత్రంపై భారీ అంచనాలు ఏర్పడ్డాయి. ఈ అంచనాలకు తగ్గట్టుగానే ఈ సినిమా టీజర్, సాంగ్స్ మరింత హైప్ తీసుకుని వచ్చాయి. బాలీవుడ్ బ్లాక్ బస్టర్ మూవీ ‘పింక్’కు రీమేక్‌గా రూపొందిన ఈ చిత్రంలో పవన్ కళ్యాణ్ పవర్ ఫుల్ వకీల్ (లాయర్)గా కనిపిస్తున్నారు. శ్రీరామ్ వేణు దర్శకత్వం వహించిన ఈ చిత్రంలో పవన్ కళ్యాణ్‌కు జోడీగా శ్రుతిహాసన్ నటించారు. నివేదా థామస్, అంజలి, అనన్య నాగళ్ల ఇతర ముఖ్య పాత్రలు పోషించారు. తమన్ సంగీతం సమకూరుస్తోన్న ఈ చిత్రాన్ని బోనీ కపూర్ బే వ్యూ ప్రాజెక్ట్స్ సౌజన్యంతో శ్రీ వెంకటేశ్వర క్రియేషన్స్ బ్యానర్‌పై దిల్ రాజు, శిరీష్ ఈ చిత్రాన్ని నిర్మిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/31GRgoZ
v
No comments:
Post a Comment