‘చూసి నేర్చుకోకు’ అంటోన్న నితిన్: రాక్‌స్టార్ యూత్ యాంథమ్.. ఇరక్కొట్టేశారు!

యూత్ స్టార్ నితిన్, కీర్తి సురేష్ జంటగా నటించిన చిత్రం ‘రంగ్ దే’. వెంకీ అట్లూరి దర్శకత్వం వహించారు. దేవిశ్రీ ప్రసాద్ సంగీతం సమకూరుస్తున్నారు. సితార ఎంటర్‌టైన్మెంట్స్ బ్యానర్‌పై సూర్యదేవర నాగవంశీ ఈ చిత్రాన్ని నిర్మిస్తున్నారు. పి.డి.వి.ప్రసాద్ ఈ చిత్రాన్ని సమర్పిస్తున్నారు. ఇప్పటికే విడుదలైన పాటలు, టీజర్ ప్రేక్షకులను ఆకట్టుకున్నాయి. ఇప్పుడు ఈ చిత్రం నుంచి మరో పాటను విడుదల చేశారు. ఇది యూత్ యాంథమ్. ‘ఎదుటి వాడిని చూసి నేర్చుకునేది ఏమీ లేదు.. నీకు నచ్చినట్టు నువ్వు ఉండు’ అని చెప్పడమే ఈ పాట అంతరార్థం. ఈ పాటకు శ్రీమణి సాహిత్యం అందించారు. డేవిడ్ సిమన్ ఈ హుషారైన పాటను ఆలపించారు. ఇక దేవిశ్రీ ప్రసాద్ సంగీతం గురించి కొత్తగా చెప్పేదేముంది.. ఇలాంటి పాటలను ఆయన ఇరక్కొట్టేస్తారు. ఇది కూడా అంతే. డ్రమ్స్ సౌండ్ కొత్తగా అనిపిస్తోంది. ఈ పాటను నితిన్‌తో పాటు చిత్రంలో అతని మిత్రులు అభినవ్ గోమటం, సుహాస్ బృందంపై చిత్రీకరించారు. శేఖర్ మాస్టర్ నృత్య దర్శకత్వం వహించారు. ఇది హీరో ఎంట్రీ సాంగ్ అని చిత్ర యూనిట్ చెబుతోంది. కాగా, ‘రంగ్ దే’ సినిమా మార్చి 26న విడుదల కానుంది. ఈ చిత్రంలో సీనియర్ నటుడు నరేష్, వినీత్, రోహిణి, కౌసల్య, బ్రహ్మాజీ, వెన్నెల కిషోర్, సత్యం రాజేష్, అభినవ్ గోమటం, సుహాస్, గాయత్రి రఘురామ్ తదితరులు నటించారు. ప్రముఖ సినిమాటోగ్రాఫర్ పి.సి.శ్రీరామ్ ఈ సినిమాకు కెమెరామెన్‌గా వర్క్ చేశారు. నవీన్ నూలి ఎడిటర్. సతీష్ చంద్రపాశం అడిషనల్ స్క్రీన్‌ ప్లే రాశారు. రచన, దర్శకత్వం వెంకీ అట్లూరి.

from Telugu Movie News | Movie News in Telugu | Movie Gossips in Telugu https://ift.tt/30NzFLf
v