తమిళ స్టార్ డైరెక్టర్ శంకర్, మెగా పవర్ స్టార్ రామ్ చరణ్ కాంబినేషన్లో సినిమాను ప్రముఖ నిర్మాత దిల్ రాజు ప్రకటించగానే ప్రేక్షకుల్లో ఎగ్జయిట్మెంట్ పెరిగిపోయింది. దర్శకధీరుడు రాజమౌళితో RRR లాంటి భారీ పాన్ ఇండియా సినిమా తరవాత వెంటనే శంకర్ లాంటి గొప్ప దర్శకుడితో మరో పాన్ ఇండియా మూవీలో చరణ్ నటించనుండటంతో మెగా ఫ్యాన్స్ ఆనందానికి అవధులు లేవు. ఒక తెలుగు హీరోతో శంకర్ పనిచేస్తుండటం ఇదే తొలిసారి. తెలుగుతో పాటు తమిళం, హిందీ భాషల్లో ఈ చిత్రం రూపొందనుంది. రామ్ చరణ్ 15వ సినిమాగా రూపొందనున్న ఈ ప్రాజెక్ట్లో దక్షిణ కొరియా నటి బే సుజిని హీరోయిన్గా నటించనున్నట్లు వార్తలు వస్తున్నాయి. ప్రస్తుతం కమల్ హాసన్తో శంకర్ చేస్తున్న ‘ఇండియన్ 2’లోనూ ఈమెను తీసుకున్నట్టు గతంలో రూమర్లు వచ్చాయి. మరోవైపు, రష్మిక మందన పేరును కూడా శంకర్ పరిశీలిస్తున్నట్టు సమాచారం. దీంతో పాటు ఈ సినిమాకు సంగీతం ఎవరు అందిస్తారనే విషయంలోనూ ఇప్పటి వరకు క్లారిటీ లేదు. అనిరుధ్ రవిచందర్ సంగీతం అందిస్తున్నట్టు వదంతులు వచ్చాయి. అయితే, ఈ సినిమాకు ఏఆర్ రెహమాన్ సంగీతం అందిస్తారనే అనుమానం కలుగుతోంది. ఏఆర్ రెహమాన్ను ఒక తెలుగు అభిమాని ట్విట్టర్లో ప్రశ్నించారు. ‘మీ నుంచి తెలుగు ఆల్బమ్ ఎప్పుడొస్తుంది?’ అని రెహమాన్ను అభిమాని అడిగారు. దీనికి రెహమాన్ అతి త్వరలో అని సమాధానం ఇచ్చారు. దీంతో ఇప్పుడు ఏఆర్ రెహమాన్ పేరు పైకి వచ్చింది. నిజానికి శంకర్ దర్శకత్వంలో రెండు సినిమాలు మినహా అన్ని చిత్రాలకు ఏఆర్ రెహమానే మ్యూజిక్ డైరెక్టర్. ‘అపరిచితుడు’, ‘స్నేహితుడు’ సినిమాలకు మాత్రం హేరిస్ జయరాజ్ సంగీతం సమకూర్చారు. కాబట్టి, రామ్ చరణ్తో చేసే భారీ చిత్రానికి కచ్చితంగా ఏఆర్ రెహమాన్ను శంకర్ తీసుకుంటారని అంతా గట్టిగా నమ్ముతున్నారు.
from Telugu Movie News | Movie News in Telugu | Movie Gossips in Telugu https://ift.tt/2N0Zl41
v
No comments:
Post a Comment