నాల్గో సీజన్‌లో ఎన్నో వింతలు విచిత్రాలు జరిగిన సంగతి మనందరికీ తెలుసు. ఈ సీజన్ గ్రాండ్ ఫినాలే ఎపిసోడ్ ఎంతో రసవత్తరంగా జరిగింది. 25 లక్షల క్యాష్ పెట్టెను తీసుకుని ఆట నుంచి తప్పుకోవడం ఓ సెన్సేషన్. తెలుగు బిగ్ బాస్ హిస్టరీలో ఇలాంటి ఘటన జరగలేదు. అలా 25 లక్షలు తీసుకోవడంతో ఆటను యూటర్న్ తిప్పేశాడు. విన్నర్‌కు రావాల్సిన 50 లక్షల ప్రైజ్ మనీ లోంచి సగం తీసేసుకున్నాడు. చివరకు విన్నర్‌ కంటే ఎక్కువగా సోహెల్ లాభపడ్డాడు. అభిజిత్‌కు బిగ్ బాస్ ట్రోఫీ వచ్చింది. కానీ సోహెల్ మాత్రం హాట్ టాపిక్ అయ్యాడు. బిగ్ బాస్ ఫినాలే ఎపిసోడ్ నాడు సోహెల్ గురించి పెట్టిన చర్చ అంతా ఇంతా కాదు. ఫినాలే ఎపిసోడ్ నాడు సోహెల్, మెహబూబ్ ఎమోషనల్ డ్రామా, చిరంజీవి నాగ్‌లు చెక్కులు ఇస్తూ అదనంగా డబ్బులు ఇవ్వడంతో హాట్ టాపిక్ అయింది. అలా మొత్తంగా సోహెల్ మెహబూబ్‌లు నాటి ఎపిసోడ్‌లో 45 లక్షలు గెలిచినట్టు అయింది. బిగ్ బాస్ ట్రోఫీ విజేత అభిజిత్ అయితే.. క్యాష్ ప్రైజ్ విజేతగా సోహెల్ నిలిచాడు. ఎక్కువ డబ్బులు రావడంతో సోహెల్ విజేతగా అందరి దృష్టిలో పడ్డాడు. క్రేజ్‌లో మాత్రం సోహెల్ అభిజిత్ ఒకే లెవెల్‌లో ఉంటారు. సోహెల్ అందరినీ ఆకట్టుకుంటూ, నవ్విస్తూ ఎంటర్టైన్ చేస్తుంటారు. అలాంటి సోహెల్‌కు ఇప్పుడు మంచి ఆఫర్ వచ్చింది. ఇప్పటికే సోహెల్ వెండితెర మీద హీరోగా మెరిసేందుకు ప్రయత్నాలు చేస్తున్నాడు. ఈ క్రమంలో ఓ మంచి మాస్ సినిమాతో రాబోతోన్నాడు. అయితే తాజాగా వినిపిస్తున్న సమచారం మేరకు సోహెల్ బుల్లితెరపై హోస్ట్‌గా కనిపించబోతున్నాడు. బిగ్ బాస్ ఐదో సీజన్ బజ్‌కు సోహెల్ హోస్ట్‌గా వ్యవహరించబోతోన్నట్టు టాక్. మూడో సీజన్ బజ్‌ను తనీష్, నాల్గో సీజన్ బజ్‌ను రాహుల్ సిప్లిగంజ్ నడిపించిన సంగతి తెలిసిందే. అయితే ఇప్పుడు ఐదో సీజన్ బజ్‌ను సోహెల్ నడిపించబోతోన్నాడని సమాచారం. ఐదో సీజన్‌ను జూన్ నెలలో ప్రారంభించేందుకు బిగ్ బాస్ యూనిట్ కసరత్తులు చేస్తోందట.
from Telugu Movie News | Movie News in Telugu | Movie Gossips in Telugu https://ift.tt/3wcIVXN
v
No comments:
Post a Comment