ప్రస్తుతం ట్రెండ్ అంతా బయోపిక్లదే. బాలీవుడ్, టాలీవుడ్ సహా అన్ని భాషల్లో బయోపిక్లపై అమితమైన ఆసక్తి చూపుతున్నారు ఆడియన్స్. ఫేమస్ అయిన ఓ వ్యక్తి నిజ జీవిత కథను వెండితెరపై చూసేందుకు ఇష్టపడుతున్నారు జనం. ఈ నేపథ్యంలోనే సావిత్రి జీవితకథగా వచ్చిన 'మహానటి' మూవీ ఏ రేంజ్ హిట్టయిందో మనందరికీ తెలుసు. ఆ తర్వాత వచ్చిన పలు బయోపిక్స్ సైతం సక్సెస్ సాదించడంతో దర్శకనిర్మాతలు వీటిపై ఫోకస్ పెట్టారు. ఈ క్రమంలో రాజకీయ నాయకుల్లోకెల్లా తాను విభిన్నం అని నిరూపించుకొని జనం మనిషిగా పిలవబడిన కోసం ప్రయత్నాలు జరుగుతున్నాయట. వరుసగా 5 సార్లు ఎమ్మెల్యే అయినప్పటికీ అవినీతి రహిత, మచ్చలేని వ్యక్తి, ఎలాంటి దోపిడీ దౌర్జన్యాలకు పాల్పడని వ్యక్తిగా ఉంటూ కేవలం ప్రజాసేవకే తన జీవితం అంకితం చేసి సాదా సీదా జీవితం సాగిస్తున్న ప్రజా నాయకుడు గుమ్మడి నర్సయ్య. అసెంబ్లీకి సైతం సైకిల్ మీదే వెళ్లడం, అందరి మధ్యనే రోడ్లపై భోజనం చేయడం లాంటివి ఆయన జీవన శైలికి నిదర్శనం. రాజకీయాల్లో పదవులు రాగానే గర్వం పెరుగుతుందని అంటారు. కానీ ఆ మాటలకు నర్సయ్య విరుద్దం. అలాంటి ఆయన రాజకీయ ప్రస్థానం గురించి ఓ బయోపిక్ ప్లాన్ చేశారట. గత ఆరు నెలలుగా ఈ కథకి సంబంధించిన అధ్యయనం జరుగుతోందని, ఈ మూవీ అతిత్వరలో సెట్స్ మీదకు రానుందంటూ ఫిలిం నగర్లో టాక్ నడుస్తోంది. ఈ సినిమాను పరమేశ్వర్ అనే నూతన దర్శకుడు తెరకెక్కిస్తున్నాడని సమాచారం. ఇదే కనుక నిజమైతే ఓ ఆదర్శవంతమైన ప్రజా నాయకుడి గురించి ప్రజలతో పాటు ఈ తరం, రాబోయే తరాల రాజకీయ నాయకులకు కూడా తెలిసే అవకాశం ఉంటుంది. చూడాలి మరి దీనిపై అఫీషియల్ స్టేట్మెంట్ ఎప్పుడొస్తుందనేది.
from Telugu Movie News | Movie News in Telugu | Movie Gossips in Telugu https://ift.tt/3ex8nAY
v
No comments:
Post a Comment