అన్ని ఏరియాల్లోనూ మా సినిమాకి మంచి ఓపెనింగ్స్ వచ్చాయి: ప్రదీప్ మాచిరాజు

స్టార్ యాంకర్ హీరోగా అమృత అయ్యర్ హీరోయిన్‌గా రూపొందిన చిత్రం ‘30 రోజుల్లో ప్రేమించటం ఎలా?’. ఫణి ప్రదీప్ (మున్నా)ను దర్శకుడిగా పరిచయం చేస్తూ యస్వీ ప్రొడక్షన్స్ బ్యానర్‌పై నిర్మాత యస్వీ బాబు ఈ చిత్రాన్ని నిర్మించారు. యూవీ క్రియేషన్స్, జీఏ2 సంస్థల ద్వారా ఈ చిత్రం నేడు (జనవరి 29న) ప్రపంచ వ్యాప్తంగా విడుదలై మంచి ఓపెనింగ్స్‌ను రాబట్టింది. కాగా, శుక్రవారం హైదరాబాద్ ఆర్టీసి క్రాస్ రోడ్స్‌లో ఉన్న సుదర్శన్ 35ఎంఎం థియేటర్‌లో ఆడియెన్స్ మధ్య చిత్ర యూనిట్ సినిమాని వీక్షించింది. అనంతరం మీడియా సమావేశం నిర్వహించారు. హీరో ప్రదీప్ మాచిరాజు మాట్లాడుతూ.. ‘ఈరోజు కోసమే ఇంతకాలం వెయిట్ చేశాం. ఫైనల్‌గా మా సినిమా ఈరోజు రిలీజ్ అయింది. ఎన్నో సంవత్సరాల నుండి ఇదే థియేటర్‌లో సినిమాలు చూశాను. ఇప్పుడు నా సినిమా కూడా చూసుకోవడం చాలా థ్రిల్లింగ్‌గా ఉంది. సినిమాలో ప్రతీ సీన్, ప్రతీ పాటకు ఆడియెన్స్ నుండి అద్భుతమైన స్పందన వస్తోంది. విజిల్స్, క్లాప్స్‌తో ప్రతీ ఒక్కరూ సినిమాని ఎంజాయ్ చేస్తున్నారు. దర్శకుడు మున్నా అనుకున్న కథకి, సన్నివేశాలకు తగ్గట్లుగా అనూప్ బ్యూటిఫుల్ మ్యూజిక్ ఇచ్చారు. తన మ్యూజిక్‌తో సినిమాకి ప్రాణం పోసారు. అలాగే మా నిర్మాత బాబు గారు సినిమా మీద నమ్మకంతో ఇన్నిరోజులు వెయిట్ చేసి థియేటర్స్‌లోనే రిలీజ్ చేశారు. ఓవర్‌సీస్, ఆంధ్ర, తెలంగాణ ఏరియాల్లోనూ మా సినిమాకి మంచి ఓపెనింగ్స్ వచ్చాయి. విడుదలైన అన్ని థియేటర్స్ ఫుల్ అవడం చాలా హ్యాపీగా ఉంది. ప్రతి ఒక్కరూ ఫోన్స్ చేసి సినిమా చాలా బాగుంది.. బాగా చేశారు.. అని చెప్తున్నారు. ఇంతలా నన్ను సపోర్ట్ చేసి ఆదరిస్తున్న ప్రేక్షకులకు, అభిమానులకు నా ధన్యవాదాలు’’ అని అన్నారు. దర్శకుడు మున్నా మాట్లాడుతూ.. ‘‘మేం పడ్డ కష్టానికి ప్రతిఫలం దక్కినందుకు చాలా హ్యాపీగా ఉంది. మా సినిమా భారీ ఓపెనింగ్స్‌తో సూపర్ హిట్ అయినందుకు చాలా హ్యాపీగా ఉంది. నాకు ఈ అవకాశం ఇచ్చిన మా నిర్మాత బాబు గారికి, ప్రదీప్‌కి చాలా థాంక్స్’’ అని వెల్లడించారు. నిర్మాత యస్వీ బాబు మాట్లాడుతూ.. ‘‘నేను ఇప్పటివరకూ 18 సినిమాలు తీశాను. కానీ ఈ చిత్రాన్ని డబ్బు ప్రధానంగా కాకుండా ఇష్టంతో చేశాను. ఈ సినిమాపై ప్రదీప్, మున్నా ఇద్దరి జీవితాలు ఆదరపడ్డాయి. వారికోసం నేను ఇన్ని రోజులు వెయిట్ చేసి థియేటర్స్‌లోనే రిలీజ్ చేశాను. అన్ని ఏరియాల నుండి మంచి రెస్పాన్స్ వచ్చింది. ముఖ్యంగా ఈ చిత్రాన్ని మీడియా బాగా సపోర్ట్ చేసింది. వారికి నా ప్రత్యేక కృతజ్ఞతలు. అసలు ఇంత మంచి ఓపెనింగ్స్, రెస్పాన్స్ వస్తుందని అనుకోలేదు. పబ్లిక్ రెస్పాన్స్ బాగుంది. మేం ఊహించిన దానికంటే పెద్ద హిట్ చేసిన ప్రేక్షకులకు చాలా చాలా థాంక్స్’’ అని అన్నారు. సంగీత దర్శకుడు అనూప్ రూబెన్స్ మాట్లాడుతూ.. ‘‘నీలి నీలి ఆకాశం పాట ఎంత పెద్ద హిట్ అయిందో సినిమాని కూడా అంతే పెద్ద హిట్ చేసిన ఆడియన్స్ అందరికీ నా స్పెషల్ థాంక్స్. పాటలతో పాటు రీ-రికార్డింగ్ చాలా బాగుంది అంటున్నారు’’ అని తెలిపారు.

from Telugu Movie News | Movie News in Telugu | Movie Gossips in Telugu https://ift.tt/36kTqgn
v