‘వకీల్ సాబ్’ వచ్చేస్తున్నాడు.. అఫీషియల్ రిలీజ్ డేట్ ఇదిగో

జనసేన అధినేతగా కంటే.. పవర్ స్టార్ పవన్ కళ్యాణ్‌గా ఆయన్ని అభినించేవాళ్లు కోట్లాదిమంది ఉన్నారు. అప్పుడు ఇప్పుడు కాదు.. ఎప్పుడొచ్చినా బొమ్మ థియేటర్‌లో పడిందంటే రికార్డుల సునామీనే. అందరి లెక్కతేలుస్తూ.. బాక్సాఫీస్ వద్ద తిక్క చూపించే పవర్ స్టార్ పవర్ కళ్యాణ్ అభిమానులు ఎప్పుడెప్పుడా అని ఎదురుచూస్తున్న అప్డేట్ వచ్చేసింది. లాంగ్ గ్యాప్ తరువాత ‘’ చిత్రంతో ప్రేక్షకుల ముందుకు వస్తున్న పవన్ కళ్యాణ్.. రీ ఎంట్రీ మూవీ రిలీజ్ డేట్‌ను అఫీషియల్‌గా ప్రకటించారు. ఏప్రియల్ 9న ప్రపంచ వ్యాప్తంగా థియేటర్స్‌లో గ్రాండ్ ఎంట్రీ ఇవ్వబోతున్నాడు ‘వకీల్ సాబ్’. ఈ విషయాన్ని అధికారికంగా ప్రకటిస్తూ.. చిత్ర యూనిట్ పోస్టర్ విడుదల చేసింది. బాలీవుడ్ బ్లాక్ బస్టర్ చిత్రం ‘పింక్’‌ను తెలుగులో వకీల్ సాబ్‌గా రీమేక్ చేశారు పవర్ స్టార్. ఈ చిత్రానికి శ్రీరామ్ వేణు దర్శకత్వం వహించగా.. ప్ర‌ముఖ నిర్మాత బోనీ క‌పూర్ స‌మ‌ర్ప‌ణ‌లో శ్రీ వెంక‌టేశ్వ‌ర క్రియేష‌న్స్‌, బే వ్యూ ప్రాజెక్ట్స్ ప‌తాకాల‌పై దిల్‌రాజు, శిరీష్ ఈ చిత్రాన్ని నిర్మించారు. ఈ చిత్రంలో శ్రుతి హాస‌న్‌ హీరోయిన్‌గా నటించగా.. నివేదా థామ‌స్‌, అంజ‌లి, అన‌న్య నాగ‌ళ్ల కీలక పాత్రల్లో నటించారు. ఇటీవల విడుదలైన టీజర్‌కు మంచి రెస్పాన్స్ రావడంతో.. ఈ చిత్రం కోసం మెగా అభిమానులు ఎంతో ఆసక్తిగా ఎదురుచూస్తుండగా విడుదల తేదీని ప్రకటించింది చిత్ర యూనిట్. కాగా.. ఇప్పటికే అల్లు అర్జున్ పుష్ఫ, మహేష్ బాబు ‘సర్కారు వారి పాట’,.. వెంకటేష్ ‘నారప్ప’.. చిరంజీవి ‘ఆచార్య’.. వరుణ్ తేజ్ ‘గని’.. వెంకటేష్-వరుణ్ తేజ్ F3, యష్ ‘కేజీఎఫ్’ చిత్రాల విడుదల తేదీలను ప్రకటించగా.. పవర్ స్టార్ కూడా ‘వకీల్ సాబ్’ చిత్రం విడుదల తేదీని ప్రకటించడంతో మూవీ లవర్స్‌కి పండగలా మారింది.

from Telugu Movie News | Movie News in Telugu | Movie Gossips in Telugu https://ift.tt/3awSQhd
v