కరోనా విలయతాండవం చేస్తున్న వేళ ఇంట్లోనే ఉంటూ టిక్‌టాక్‌ వీడియోలతో అట్రాక్ట్ చేశాడు ఆస్ట్రేలియన్ క్రికెటర్ . తన భార్యతో కలిసి స్టెప్పులేస్తూ ఆ వీడియోలను సోషల్ మీడియాలో షేర్ చేసి చర్చల్లో నిలిచాడు. ఆ తర్వాత రూటు మార్చిన ఈ క్రికెటర్.. పేస్ ఆఫ్ యాప్‌ను ఉప‌యోగించి అమితాబ్, ప్ర‌భాస్‌, మహేష్ బాబు, ర‌జినీకాంత్ లాంటి స్టార్ హీరోల రీఫేస్ క్రియేట్ చేసి అభిమానులను ఎంట‌ర్‌టైన్ చేస్తున్నాడు. ఈ క్రమంలోనే చిరంజీవిపై దృష్టి పెట్టి ఓ వీడియోతో ఆసక్తి రేకెత్తించాడు డేవిడ్ వార్నర్. ప్రతిష్టాత్మక మూవీ ‘’ టీజర్ ఇటీవలే విడుదలైన సంగతి తెలిసిందే. ఈ టీజర్‌లోని సన్నివేశాన్ని రీఫేస్ యాప్‌తో ఛేంజ్‌ చేసి చిరంజీవి డైలాగ్స్‌ని తాను చెబుతున్నట్లు వీడియో తీశాడు డేవిడ్ వార్నర్. ఇక ఈ వీడియోను సోషల్ మీడియాలో పోస్ట్‌ చేయడంతో వెంటనే వైరల్ అయింది. ఈ మేరకు 'కమింగ్ సూన్' అంటూ ఆయన చేసిన కామెంట్ మెగా అభిమానులను ఎంతగానో ఆకట్టుకుంటోంది. చిరంజీవి 152వ సినిమాగా స్టార్ డైరెక్టర్ కొరటాల శివ దర్శకత్వంలో ఈ 'ఆచార్య' మూవీ రూపొందుతోంది. ప్రస్తుతం శరవేగంగా షూటింగ్ జరుపుకుంటున్న ఈ మూవీలో చిరంజీవి సరసన కాజల్ అగర్వాల్ హీరోయిన్‌గా నటిస్తోంది. 'సిద్ధ' పాత్రలో రామ్ చరణ్ ప్రత్యేక ఆకర్షణగా నిలువనున్నారు. శ్రీమతి సురేఖ కొణిదెల సమర్పణలో కొణిదెల ప్రొడక్షన్ కంపెనీ, మ్యాట్నీ ఎంటర్‌టైన్మెంట్ బ్యానర్లపై నిరంజన్ రెడ్డి నిర్మిస్తున్న ఈ సినిమాకు మణిశర్మ బాణీలు కడుతున్నారు. గత రెండు రోజుల క్రితం విడుదలైన ఆచార్య టీజర్ సోషల్ మీడియాలో హవా నడిపిస్తోంది. ఇప్పటికే ఈ టీజర్ 10 మిలియన్ల వ్యూస్ క్రాస్ చేయడం విశేషం. ఇకపోతే ఈ 'ఆచార్య'ను మే 13వ తేదీన రంగంలోకి దించబోతున్నట్లు ప్రకటించారు చిత్ర దర్శకనిర్మాతలు.
from Telugu Movie News | Movie News in Telugu | Movie Gossips in Telugu https://ift.tt/3j1CuAV
v
No comments:
Post a Comment