'మేజర్' డే అంటూ క్రేజీ అప్‌డేట్ ఇచ్చిన సూపర్ స్టార్ మహేష్ బాబు.. ఇదీ మ్యాటర్!!

'గూఢచారి' ఫేమ్ శశి కిరణ్ తిక్కా దర్శకత్వంలో రూపొందుతున్న మూవీ ''. సోనీ పిక్చర్స్, సూపర్ స్టార్ మహేష్ జీఎంబీ ఎంటర్టైన్మెంట్స్, ఏ ప్లస్ ఎస్ మూవీస్ బ్యానర్స్ సంయుక్తంగా నిర్మిస్తున్న ఈ సినిమాలో టాలెంటెడ్ హీరో హీరోగా నటిస్తున్నాడు. ఎంతో ప్రతిష్టాత్మకంగా రూపొందుతున్న ఈ చిత్ర నిర్మాణంలో సూపర్ స్టార్ భాగం కావడం సినిమాపై ఆతృతను పెంచేసింది. ఈ నేపథ్యంలో తాజాగా ఈ సినిమా రిలీజ్ డేట్ అనౌన్స్ చేశారు మేకర్స్. 26/11 ముంబై తీవ్రవాద దాడుల్లో వీరమరణం పొందిన మేజర్ సందీప్ ఉన్ని కృష్ణన్ జీవిత కథ ఆధారంగా ఈ సినిమా రూపొందుతోంది. చిత్రంలో అడవి శేష్ సరసన శోభితా ధూళిపాళ్ల, బాలీవుడ్ బ్యూటీ సయీ మంజ్రేకర్ హీరోయిన్లుగా నటిస్తున్నారు. ఇందులో శోభితా ధూళిపాళ్ల రోల్ ప‌వ‌ర్‌‌ఫుల్‌‌గా, ఎమోష‌న‌ల్‌‌గా ప్రేక్షకులకు కనెక్ట్ కానుందని తెలుస్తోంది. అయితే తాజాగా ఈ సినిమా జులై 2వ తేదీన విడుదల కానుందని ప్రకటించిన మహేష్ బాబు.. ఆ రోజును 'మేజర్' డే అని తెలపడం గమనార్హం. ఓ వైపు 'మేజర్' సినిమా షూటింగ్ చేస్తూనే ప్రమోషన్స్‌పై దృష్టిపెట్టిన చిత్రయూనిట్.. ఇప్పటికే చిత్ర ఫస్ట్‌లుక్, పలు అప్‌డేట్స్ రిలీజ్ చేసి సినిమాపై హైప్ క్రియేట్ చేశారు. పైగా అడవిశేష్ కెరీర్‌లో ది బెస్ట్ పెర్ఫార్మెన్స్ ఇచ్చిన సినిమాల్లో 'మేజర్' ఒకటిగా నిలుస్తుందని రీసెంట్‌గా మహేష్ ఇచ్చిన స్టేట్‌మెంట్ ఈ సినిమాకు మంచి బూస్టింగ్ ఇచ్చింది. తెలుగు, హిందీ, ఇంగ్లీష్ భాషల్లో ఈ సినిమాను రిలీజ్ చేయబోతున్నారట మేకర్స్.

from Telugu Movie News | Movie News in Telugu | Movie Gossips in Telugu https://ift.tt/3a6J2de
v