ప్రదీప్ హీరో ఏంటి.. థియేటర్‌కి ఎవడొస్తాడు అన్నారు.. దానికి సమాధానమే ఈ 4.17 కోట్లు: డైరెక్టర్ మున్నా

యాంకర్ ప్రదీప్‌కే కాదు.. దర్శకుడు మున్నా‌కి కూడా తొలి చిత్రం ఈ ‘30 రోజుల్లో ప్రేమించడం ఎలా’?. యాంకర్‌గా బుల్లితెర ప్రేక్షకుల్ని అలరించిన ప్రదీప్ ఈ చిత్రంతో టాలీవుడ్ హీరోగా ఎంట్రీ ఇచ్చాడు. ఈ చిత్రంలోని ‘నీలి నీలి ఆకాశం’ సాంగ్ 300 మిలియన్ల వ్యూస్ కొల్లగొట్టి సంచలనంగా మారడంతో ‘30 రోజుల్లో ప్రేమించడం ఎలా’ చిత్రానికి మంచి హైప్ వచ్చింది. మంచి అంచనాలతో జనవరి 29న విడుదలైన ఈ చిత్రానికి మిక్స్డ్ టాక్‌ వచ్చినప్పటికీ తొలి రోజు మంచి ఓపెనింగ్స్ రాబట్టింది. ఈ సందర్భంగా చిత్ర యూనిట్ సక్సెస్ మీట్ నిర్వహించగా.. దర్శకుడు మున్నా ఎమోషనల్‌గా మాట్లాడారు. ఆయన మాట్లాడుతూ.. ‘30 రోజుల్లో ప్రేమించడం ఎలా? సినిమాకి ప్రాణం.. ఇందులోని నీలి నీలి ఆకాశం పాట. 300 మిలియన్ వ్యూస్ దాటి వెళ్తూనే ఉంది. ఈ సాంగ్ చూడటం కోసం చాలా మంది థియేటర్స్‌కి వస్తున్నారు. ఇండస్ట్రీలో ఈ కథ అనుకున్నప్పుడు ఒకే ఒక క్వచ్ఛన్ ఉండేది.. కథ చాలా బాగుంది.. డైలాగ్స్ చాలా బాగున్నాయ్.. దీనికి ప్రదీప్ హీరో ఏంటి అని ఇండస్ట్రీకి సంబంధించిన వాళ్లు చాలామంది నన్ను క్వచ్ఛన్ వేశారు. చేతిలో రిమోట్ మార్చితే ప్రదీప్ కనిపిస్తాడు.. అతన్ని చూడటం కోసం థియేటర్‌కి వస్తారా? అని అడిగారు. వాళ్లందరి ప్రశ్నకి సమాధానమే రూ.4.17 కోట్ల తొలిరోజు కలెక్షన్స్. ఇంతమంది జనం ప్రదీప్‌ని చూడటం కోసం వచ్చారు. నాకైతే నమ్మకం ఉంది.. నవ్వించే వాడు ఏడిపిస్తే చాలా బాగుంటుంది అని.. ప్రదీప్ ఇన్నాళ్లూ నవ్వించాడు. ఇప్పుడు ఏడిపించాడు. అలాగే నవ్వించే హేమ కూడా ఈ సినిమాలో తల్లిగా అందర్నీ ఏడిపించింది. ఈ సినిమా టర్నింగ్ పాయింట్ హేమ క్యారెక్టర్. ఎన్ని ఫోర్లు కొట్టినా ధోనీ చివర్లో వచ్చి సిక్స్ కొడితే భలే కిక్ ఉంటుంది. ఈ సినిమాలో హేమ గారు సిక్స్ కొట్టారు. మా సినిమా గురించి పదిమందిని అడగండి.. తొమ్మిది మంది బాగుందనే అంటారు. ఒకడు బాలేదన్నా మా సినిమాకి వెళ్లొద్దు. పదిమంది బాగుందనే అంటున్నారు. బాగుందంటే పదిమందిని తీసుకుని వెళ్లండి. ప్రొడ్యుసర్ కథ చెప్పినప్పుడు ఎంత హ్యాపీగా ఉన్నారో ఇప్పుడు కూడా అంతే హ్యాపీగా ఉన్నారు. ఆయనకు డబ్బులు రావడం మాకు ఇంపార్టెంట్. మాకు పేరు ఎలాగూ వస్తుందనే నమ్మకం ఉంది. కొత్తదర్శకుడు సినిమా తీస్తున్నాడంటే.. లైట్ బాయ్ దగ్గర నుంచి సెట్స్‌లో అందరికీ చిన్న చూపు ఉంటుంది.. నా సినిమా కొత్త దర్శకులకు.. సినిమాలు తీయబోయే దర్శకులకు అంకితం చేస్తున్నా’ అంటూ ఎమోషనల్‌గా మాట్లాడారు దర్శకుడు మున్నా.

from Telugu Movie News | Movie News in Telugu | Movie Gossips in Telugu https://ift.tt/3tb8vLu
v