‘కె.జి.ఎఫ్’ డైరెక్టర్‌తో ప్రభాస్ మూవీ.. రెండు రోజుల్లో రానున్న ప్రకటన అదే!

‘కె.జి.ఎఫ్’ చిత్ర నిర్మాణ సంస్థ హోంబలే ఫిలింస్ సోమవారం ఒక కీలక ప్రకటన చేసింది. తాము నిర్మించబోతున్న మరో భారీ పాన్ ఇండియా మూవీ వివరాలను డిసెంబర్ 2న మధ్యాహ్నం 2 గంటల 9 నిమిషాలకు వెల్లడిస్తామని ప్రకటించింది. అయితే, ఇది ‘కె.జి.ఎఫ్’ డైరెక్టర్ ప్రశాంత్ నీల్, రెబల్ స్టార్ కాంబినేషన్‌లో వచ్చే సినిమా గురించేనని సమాచారం. ఈ మేరకు కన్నడ చిత్ర పరిశ్రమ నుంచి సమాచారం వస్తోంది. ప్రశాంత్ నీల్ నెక్ట్స్ మూవీ ప్రభాస్‌తో గానీ, యంగ్ టైగర్ ఎన్టీఆర్‌తో గానీ ఉండబోతుందని ఇప్పటికే బోలెడన్ని వార్తలు వచ్చాయి. దీని గురించి సోషల్ మీడియాలో ఈ ఇద్దరి హీరోల అభిమానులు ఆరా తీసినా ‘కె.జి.ఎఫ్ చాప్టర్ 2’ షూటింగ్ పూర్తిచేసేంత వరకు తన తరవాత సినిమా గురించి ఎలాంటి ప్రకటన చేయలేనని ప్రశాంత్ స్పష్టం చేశారు. అయితే, ఇప్పుడు దానికి సమయం ఆసన్నమైందని అంటున్నారు. సోమవారం హోంబలే ఫిలింస్ చేసిన ప్రకటన దీని గురించే అని టాక్. ‘‘ప్రియమైన ప్రేక్షకుల్లారా, మీరెప్పుడూ మాకన్నా మా సినిమానే ఎక్కువగా ప్రేమిస్తారు. ఈ ప్రేమను ఇలానే పొందడానికి మరో సినిమాతో మీ ముందుకు వస్తున్నాం. ఇది ‘ఇండియన్ ఫిలిం’. డిసెంబర్ 2వ తేదీ మధ్యాహ్నం 2:09 గంటలకు వచ్చే మా ప్రకటన కోసం వేచి చూస్తూ ఉండండి’’ అని హోంబలే ఫిలింస్ ట్వీట్ చేసింది. ఈ ట్వీట్ చేసిన వెంటనే చాలా మంది ప్రభాస్ ఫ్యాన్స్ ఇది కచ్చితంగా తమ హీరో గురించేనని ఫిక్స్ అయిపోయారు. ఈ మేరకు ట్విట్టర్‌లో స్పందిస్తున్నారు. సినిమా ఇండస్ట్రీ నుంచి వస్తోన్న సమాచారం కూడా ఇదే. ‘బాహుబలి’ తరవాత ప్రభాస్ పాన్ ఇండియా స్టార్ అయిపోయారు. ఈయన దేశమంతటా అభిమానులు ఉన్నారు. ప్రభాస్ ఖాతాలో ప్రస్తుతం దీనితో కలిపి నాలుగు పాన్ ఇండియా మూవీస్ ఉన్నాయి. ప్రస్తుతం ప్రభాస్.. రాధాకృష్ణ కుమార్ దర్శకత్వంలో ‘రాధే శ్యామ్’ సినిమా చేస్తున్నారు. పూజా హెగ్డే హీరోయిన్. దీని తరవాత నాగ్ అశ్విన్ దర్శకత్వంలో ఒక సైన్స్ ఫిక్షన్‌లో నటించనున్నారు. ఇంకా టైటిల్ ఖరారు చేయని ఈ సినిమాలో దీపికా పదుకొనె హీరోయిన్. అమితాబ్ బచ్చన్ కీలక పాత్ర పోషించబోతున్నారు. అలాగే, ఓం రౌత్ దర్శకత్వంలో మైథలాజికల్ డ్రామా ‘ఆదిపురుష్’లో ప్రభాస్ నటించబోతున్నారు. సైఫ్ అలీ ఖాన్ రావణుడిగా నటించనున్న ఈ చిత్రంలో కృతి సనన్ సీత పాత్ర పోషించనున్నారని టాక్. ఈ మూడు పాన్ ఇండియా మూవీస్ తరవాత ప్రశాంత్ నీల్ దర్శకత్వంలో మరో పాన్ ఇండియా మూవీ ప్రభాస్ చేయనున్నారని సమాచారం. Also Read:

from Telugu Movie News | Movie News in Telugu | Movie Gossips in Telugu https://ift.tt/3fPxY6L
v