‘కె.జి.యఫ్’ నిర్మాత నుంచి మరో పాన్ ఇండియా మూవీ

కన్నడ సినిమాలు ఒకప్పుడు సాదాసీదాగా ఉండేవి. కన్నడ సినిమాలకు అంత మార్కెట్ ఉండేది కాదు కాబట్టి భారీ బడ్జెట్ చిత్రాలు వచ్చేవి కాదు. కానీ, హోంబలే ఫిలింస్ అనే నిర్మాణ సంస్థ వచ్చిన తరవాత లెక్కలు మారాయి. భారీ బ‌డ్జెట్‌, హై టెక్నిక‌ల్ వేల్యూస్‌తో క్వాలిటీ చిత్రాల‌ను నిర్మించి కన్నడ సినీ పరిశ్రమ‌ను మరో స్థాయికి తీసుకెళ్లారు హోంబ‌లే ఫిలింస్ నిర్మాణ సంస్థ అధినేత విజ‌య్ కిర‌గందూర్‌. క‌న్నడ సూప‌ర్‌ స్టార్స్ పునీత్ రాజ్‌కుమార్‌తో ‘నినింద‌లే’, య‌ష్‌తో ‘మాస్టర్ పీస్‌’ వంటి సూప‌ర్‌ డూప‌ర్ హిట్ చిత్రాల‌ను రూపొందించి అంద‌రి దృష్టిని ఆక‌ర్షించారు. త‌ర్వాత పునీత్ రాజ్‌కుమార్‌తో చేసిన ‘రాజ‌కుమార‌’ చిత్రం హ‌య్యస్ట్ గ్రాసర్‌గా నిలిచి శాండిల్‌వుడ్‌లో అగ్ర నిర్మాణ సంస్థగా హోంబ‌లే ఫిలింస్ అంద‌రి దృష్టిని ఆక‌ర్షించింది. రాకింగ్‌ స్టార్ య‌ష్‌తో చేసిన భారీ బడ్జెట్‌ మూవీ ‘కె.జి.య‌ఫ్ చాప్టర్‌1’తో బాక్సాఫీస్ వ‌ద్ద సెన్సేష‌న్ క్రియేట్ చేసి పాన్ ఇండియా నిర్మాణ సంస్థగా హోంబ‌లే ఫిలింస్ త‌న మార్క్‌ను క్రియేట్ చేసింది. ఇప్పుడు హోంబ‌లే ఫిలింస్ నిర్మాణంలో రూపొందుతోన్న మ‌రో పాన్ ఇండియా భారీ బ‌డ్జెట్ మూవీ ‘కె.జి.య‌ఫ్ చాప్టర్ 2’ విడుద‌లకు సిద్ధమవుతోంది. తాజాగా హోంబ‌లే ఫిలింస్ మ‌రో పాన్ ఇండియా మూవీని నిర్మించ‌డానికి స‌న్నాహాలు చేస్తోంది. ఈ విషయాన్ని నిర్మాత విజయ్ కిరగందూర్ మీడియాకు వెల్లడించారు. Also Read: విజ‌య్ కిరగందూర్ మాట్లాడుతూ.. ‘‘మా బ్యాన‌ర్‌లో పాన్ ఇండియా చిత్రంగా విడుద‌లైన ‘కె.జి.య‌ఫ్ చాప్టర్ 1’ ఎంత‌టి విజ‌యం సాధించిందో ప్రత్యేకంగా చెప్పన‌క్కర్లేదు. ఇప్పుడు మ‌రో పాన్ ఇండియా చిత్రం ‘కె.జి.య‌ఫ్ చాప్టర్ 2’పై ఎలాంటి అంచ‌నాలున్నాయో తెలుసు. అంద‌రి అంచ‌నాల‌ను మించేలా సినిమాను ధీటుగా రూపొందిస్తున్నాం. అలాగే ఇప్పుడు మా బ్యాన‌ర్‌లో మూడో పాన్ ఇండియా సినిమాను రూపొందించనున్నాం. భార‌తీయ భాష‌ల‌న్నింటిలో రూపొంద‌నున్న ఈ సినిమా టైటిల్‌, న‌టీన‌టులు, టెక్నీషియ‌న్స్ వివ‌రాల‌ను డిసెంబ‌ర్ 2న మ‌ధ్యాహ్నం 2 గంట‌ల 9 నిమిషాల‌కు తెలియ‌జేస్తాం’’ అని చెప్పారు.

from Telugu Movie News | Movie News in Telugu | Movie Gossips in Telugu https://ift.tt/2Vh9oCv
v