‘కూలీ నెం. 1’ ట్రైలర్: నీటి అడుగున వరుణ్, సారా లిప్ లాక్.. మండిపడుతున్న గోవింద ఫ్యాన్స్

వరుణ్ ధావన్, సారా అలీ ఖాన్ తొలిసారి జంటగా నటించిన చిత్రం ‘కూలీ నెం. 1’. 1995లో గోవింద, కరిష్మా కపూర్ హీరోహీరోయిన్లుగా వచ్చిన సూపర్ హిట్ ఫిల్మ్ ‘కూలీ నెం. 1’కు ఇది రీమేక్. పాత ‘కూలీ నెం. 1’కు దర్శకత్వం వహించిన డేవిడ్ ధావన్ ఈ రీమేక్‌కూ దర్శకత్వం వహించారు. ఈయన హీరో వరుణ్ ధావన్ తండ్రి. డేవిడ్ ధావణ్‌కు దర్శకుడిగా ఇది 45వ చిత్రం. ఈ సినిమాను క్రిస్మస్ కానుకగా డిసెంబర్ 25న అమెజాన్ ప్రైమ్ వీడియోలో విడుదల చేస్తున్నారు. ఇదిలా ఉంటే, చిత్ర ప్రచారంలో భాగంగా ‘కూలీ నెం. 1’ ట్రైలర్‌ను శనివారం విడుదల చేశారు. ఈ ట్రైలర్‌ ఎంటర్‌టైనింగ్‌గా అనిపిస్తోంది. ప్రస్తుత జనరేషన్‌కు తగ్గట్టుగా సినిమాను గ్రాండ్‌గా తీశారు. అయితే, ఆ పాత కామెడీ డోస్‌ను మాత్రం తగ్గించలేదు. దీనికి తోడు వరుణ్ ధావన్, సారా అలీ ఖాన్ కెమిస్ట్రీ అదిరిపోయింది. నీటి అడుగున వరుణ్, సారా లిప్‌లాక్ సీన్ ప్రస్తుతం వైరల్‌గా మారింది. ఈ సీన్‌లో వరుణ్ షర్ట్ లేకుండా షార్ట్స్‌లో ఉండగా.. సారా బికినీలో అదరగొట్టింది. ఇదిలా ఉంటే, ‘కూలీ నెం. 1’ ట్రైలర్ చూసిన కొంత మంది సినీ ప్రియులు పెదవి విరుస్తున్నారు. ట్రైలర్ బాగాలేదని సోషల్ మీడియాలో కామెంట్లు చేస్తున్నారు. ఇక గోవింద అభిమానులు అయితే వరుణ్ ధావన్ ఓవర్ యాక్షన్ చేస్తున్నాడని విమర్శిస్తున్నారు. మొత్తం ఈ ట్రైలర్‌కు సోషల్ మీడియాలో మిశ్రమ స్పందన వస్తోంది. అప్పట్లో ‘కూలీ నెం. 1’ సినిమా ఒక సెన్సేషన్. గోవింద తన పెర్ఫార్మెన్స్, కామెడీ టైమింగ్‌తో కడుపుబ్బా నవ్వించారు. కరిష్మా కపూర్‌కు తొలి భారీ విజయం. మరీ ఈ కొత్త ‘కూలీ నెం. 1’ ఏమవుతుందో చూడాలి. ఈ చిత్రంలో పరేష్ రావల్, జానీ లీవర్, రాజ్‌పాల్ యాదవ్ కీలక పాత్రలు పోషించారు. Also Read:

from Telugu Movie News | Movie News in Telugu | Movie Gossips in Telugu https://ift.tt/36cjzhZ
v