టాలీవుడ్ చందమామ అగర్వాల్ పెళ్లి పీటలెక్కబోయే సుముహూర్తం దగ్గర పడింది. మరికొన్ని గంటల్లో పీటలపై కూర్చొని తన ప్రియుడు గౌతమ్ కిచ్లుతో మూడు ముళ్ళు వేయించుకోబోతోంది. దీంతో కాజల్ పెళ్లి ఫోటోలు నెట్టింట తెగ హంగామా చేస్తున్నాయి. ఈ నేపథ్యంలో తాజాగా ఆమె పెళ్లి మండపానికి వెళ్తూ దిగిన కొన్ని పిక్స్ వైరల్ అయ్యాయి. అందంగా ముస్తాబైన ఈ పంచదార బొమ్మ అందరికీ హాయ్ చెబుతూ సంతోషంగా పెళ్లి మండపానికి బయల్దేరింది. తన తల్లి సుమన్ అగర్వాల్‌తో కలిసి వివాహం జరగనున్న ‘తాజ్‌ ప్యాలెస్‌’ హోటల్‌కు పయనమైన కాజల్.. ముంబయిలోని తన నివాసం నుంచి బయటకొచ్చి అందరికీ అభివాదం తెలిపింది. విలేకర్లను నవ్వుతూ పలకరించడంతో వేలల్లో కెమెరా క్లిక్స్ ఆమెపై పడ్డాయి. తాజాగా అందుకు సంబంధించిన ఫోటోలు నెట్టింట షికారు చేస్తున్నాయి. ఇవి చూసి కాజల్‌కి పెద్ద ఎత్తున శుభాకాంక్షలు తెలుపుతున్నారు నెటిజన్స్. ఈ రోజే (అక్టోబర్ 30) వ్యాపారవేత్త గౌతమ్ కిచ్లును పెళ్లాడనుంది కాజల్. ఈ నేపథ్యంలో గత 3 రోజుల నుంచే కాజల్, గౌతమ్ ఇళ్లలో పెళ్లితంతు సంబంధించిన కార్యక్రమాలు మొదలయ్యాయి. బుధవారం మెహందీ, గురువారం హల్దీ వేడుకలు కాజల్ నివాసంలో ఘనంగా జరిగాయి. ఈ వేడుకకు సంబంధించిన ఫొటోలను కాజల్ ఎప్పటికప్పుడు తన సోషల్ మీడియా ద్వారా అభిమానులతో పంచుకుంటోంది. ఈ క్రమంలోనే తన చెల్లెలు నిషా కంటతడి పెడుతున్న ఫొటోను ఇన్‌స్టాగ్రామ్ స్టోరీస్‌లో పోస్ట్ చేసింది కాజల్. అక్క కాజల్ కంటే ముందే పెళ్లి చేసుకున్న చెల్లెలు .. మెహందీ హల్ది వేడుకల్లో తీవ్ర భావోద్వేగానికి లోనైనట్లు తెలుస్తోంది. అక్కతో ఎప్పుడూ ఫ్రెండ్లీ ఉంటూ ఎంజాయ్ చేసే నిషా.. బాగా ఎమోషనల్ అయిందట. ఇకపోతే కరోనా కారణంగా కాజల్ వివాహ వేడుకకు కొద్దిమందిని మాత్రమే ఆహ్వానించారు. టాలీవుడ్ నుంచి కాజల్ బెస్ట్ ఫ్రెండ్, హీరో బెల్లంకొండ శ్రీనివాస్ ఈ వేడుకకు హాజరు కానున్నట్లు సమాచారం. ప్రస్తుతం కమల్ హీరోగా తెరకెక్కుతున్న `ఇండియన్-2`, మెగాస్టార్ చిరంజీవి హీరోగా రూపొందుతున్న `ఆచార్య` సినిమాలకు కమిటై ఉంది కాజల్. పెళ్లి తర్వాత ఈ సినిమాలు పూర్తిచేయడంతో పాటు కొత్త సినిమాలకు కూడా సైన్ చేస్తానని చెబుతోంది కాజల్ అగర్వాల్.
from Telugu Movie News | Movie News in Telugu | Movie Gossips in Telugu https://ift.tt/2HNpHDY
v
No comments:
Post a Comment