హీరోగా రాఘవ దర్శకత్వంలో తెరకెక్కిన ‘లక్ష్మీ బాంబ్’ సినిమా టైటిల్ మారింది. ‘లక్ష్మీ బాంబ్’ టైటిల్‌ను ‘లక్ష్మి’గా మార్చారు. ఈ వార్తను ఖరారు చేస్తూ బాలీవుడ్ ట్రేడ్ అనలిస్ట్ తరణ్ ఆదర్శ్ గురువారం ట్వీట్ చేశారు. ‘లక్ష్మీ బాంబ్’ టైటిల్‌కు వ్యతిరేకంగా పలు హిందూ సంస్థల నుంచి వస్తోన్న వ్యతిరేకత వల్ల మేకర్స్ టైటిల్‌ను మార్చినట్టు సమాచారం. ఈ సినిమా టైటిల్ లక్ష్మీ దేవిని అవమానించే విధంగా ఉందని, దీని వల్ల తమ మనోభావాలు దెబ్బతిన్నాయని హిందూవాదులు ఆందోళనకు దిగారు. రాఘవ లారెన్స్ దర్శకత్వంలో రూపొందిన ‘లక్ష్మీ బాంబ్’ టైటిల్‌ను తక్షణమే మార్చాలని డిమాండ్ చేస్తూ చిత్ర నిర్మాతలకు కర్ని సేన లీగల్ నోటీస్ పంపినట్టు సమాచారం. దీంతో ఈ వివాదాన్ని మరింత లాగకుండా టైటిల్ మార్చేసినట్టు బాలీవుడ్ టాక్. సెంట్రల్ బోర్డ్ ఆఫ్ ఫిల్మ్ సర్టిఫికెట్ (CBFC)తో చర్చల అనంతరం సినిమా టైటిల్‌ను ‘లక్ష్మి’ అని మార్చడానికి మేకర్స్ అంగీకరించారని.. దీంతో గురువారం సెన్సార్ బోర్డు సెన్సార్ సర్టిఫికెట్ కూడా జారీ చేసిందని సమాచారం. కాగా, 2011లో రాఘవ లారెన్స్ దర్శకత్వంలో వచ్చిన ‘కాంచన’ మూవీకి ‘లక్ష్మి’ హిందీ రీమేక్. హిందీ ఆడియన్స్‌ను దృష్టిలో పెట్టుకుని ‘కాంచన’ టైటిల్‌ను ‘లక్ష్మీ బాంబ్’గా మార్చినట్టు గతంలో ఓ ఇంటర్వ్యూలో లారెన్స్ చెప్పారు. తమిళంలో లారెన్స్ పోషించిన పాత్రలో హిందీలో అక్షయ్ కుమార్ నటించారు. ఇప్పటికే విడుదలైన ట్రైలర్ ప్రేక్షకులను విపరీతంగా ఆకట్టుకుంది. అక్షయ్ కుమార్ కామెడీ టైమింగ్, ట్రాన్స్‌జెండర్‌గా ఆయన నటన అబ్బురపరిచింది. ఈ సినిమాను ఎప్పుడెప్పుడు చూద్దామా అని హిందీ ఆడియన్స్ వేచి చూస్తున్నారు. కాగా, ‘లక్ష్మి’ సినిమాను దీపావళి కానుకగా నవంబర్ 9న డిస్నీ+ హాట్‌స్టార్‌లో విడుదల చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2TxAEf6
v
No comments:
Post a Comment