రెండు రోజులుగా అభిమానులను టెన్షన్ పెడుతూ వచ్చిన ఎట్టకేలకు తన మ్యారేజ్ సీక్రెట్‌ను బయటపెట్టింది. ఇదంతా తన వెబ్ సిరీస్ ప్రమోషన్ కోసమేనని స్పష్టం చేసేసింది. కాకపోతే వెబ్ సిరీస్ ప్రమోషన్ కోసం ఫ్యాన్స్ ఎమోషన్స్‌తో ఆటలు ఆడటం ఏంటి అని సోషల్ మీడియాలో పున్ను ఫాలోవర్లు ప్రశ్నిస్తున్నారు. తన కుడిచేతి వేలికి ఉన్న డైమండ్ రింగ్‌ను చూపిస్తూ తీసుకున్న ఫొటోను ఈనెల 28న పునర్నవి సోషల్ మీడియాలో పోస్ట్ చేసిన సంగతి తెలిసిందే. ‘మొత్తానికి జరిగిపోయింది’ అని క్యాప్షన్ కూడా పెట్టింది. దీంతో అంతా పునర్నవికి పెళ్లి కుదిరిందని అనుకున్నారు. ఎంగేజ్‌మెంట్ రింగ్‌నే ఆమె చూపించిందని భావించారు. ఆ తరవాత రోజు తన పార్న్‌నర్‌ను కూడా చూపిస్తూ పున్ను మరో పోస్ట్ చేసింది. దీంతో పున్నుకు కాబోయే భర్త ఇతనే అంటూ ప్రచారం జరిగింది. Also Read: ‘‘రేపు బిగ్ అనౌన్స్‌మెంట్ ఉంది’’ అని పున్ను బేబీ పేర్కొనడంతో పెళ్లి తేదీ ప్రకటిస్తుందేమోనని చాలా మంది భ్రమపడ్డారు. కానీ, ఊహించినట్టే పున్ను అందరికీ షాక్ ఇచ్చింది. ఈ పెళ్లి గోల అంతా తన వెబ్ సిరీస్ ప్రసారం కోసం స్పష్టం చేసింది. నిజానికి ఈ విషయాన్ని ముందుగానే చాలా మంది ఊహించారు. పునర్నవి, యూట్యూబ్ స్టార్ పృథ్వీరాజ్ సంపర (ఉద్భవ్ రఘునందన్‌గా పేరు మార్చుకున్నారు) ప్రధాన పాత్రల్లో ఓటీటీ సంస్థ ‘ఆహా’ ఒక వెబ్ సిరీస్‌ను రూపొందించింది. హిందీ వెబ్ సిరీస్ ‘పర్మనెంట్ రూంమేట్స్’కు రీమేక్‌గా రూపొందిన ఈ వెబ్ సిరీస్‌కు ‘కమిట్‌మెంటల్’ అని టైటిల్ పెట్టారు. అయితే, ఈ వెబ్ సిరీస్ విషయం చాలా మందికి తెలీదు. అందుకే, ఈ వెబ్ సిరీస్ ప్రచారం కోసం మేకర్స్ కాస్త భిన్నంగా ఆలోచించారు. పున్నుతో ఈ నాటకం ఆడించారు. కానీ, ఈ వెబ్ సిరీస్ గురించి తెలిసినవాళ్లు పున్ను పెళ్లి నాటకం కచ్చితంగా ప్రచారంలో భాగమేనని కనిపెట్టేశారు. కాగా, నవంబర్ 13 నుంచి ‘ఆహా’లో అందుబాటులోకి రానున్న ‘కమిట్‌మెంటల్’ ఫస్ట్ లుక్‌ను శుక్రవారం విడుదల చేశారు. ఈ పోస్టర్‌ను ఇన్‌స్టాగ్రామ్‌లో పోస్ట్ చేసిన పున్ను.. ‘‘తప్పలేక ఒప్పుకున్నాను. ఇక ముందుంది అసలైన క్రేజీ రైడ్’’ అని పేర్కొన్నారు. మరోవైపు ఉద్భవ్ రఘునందన్ కూడా మరో ప్రచార చిత్రాన్ని ఇన్‌స్టాలో పోస్ట్ చేశారు. తనకు పునర్నవి యస్ అని ఎందుకు చెప్పిందో త్వరలోనే ప్రేక్షకులు తెలుసుకుంటారని ఆయన పేర్కొన్నారు.
from Telugu Movie News | Movie News in Telugu | Movie Gossips in Telugu https://ift.tt/31XYaGO
v
No comments:
Post a Comment