యువ నటుడు సూసైడ్ మిస్టరీ రోజుకో మలుపు తిరుగుతోంది. సుశాంత్ ప్రేయసి రియా చక్రవర్తిపై తీవ్ర అనుమానాలు రేకెత్తడంతో ఆమెను లోతుగా విచారిస్తోంది సీబీఐ. సుశాంత్ ఆత్మహత్య దేశవ్యాప్త సంచలనంగా మారడంతో ఈ కేసును సీరియస్‌గా తీసుకొని రియాపై ప్రశ్నల వర్షం కురిపిస్తూ ఉక్కిరిబిక్కిరి చేస్తున్నారు సీబీఐ అధికారులు. ఈ విచారణలో భాగంగా డ్రగ్స్ వినియోగం, సుశాంత్ ఆర్ధిక లావాదేవీలు, సుశాంత్ ఫ్లాట్‌లో 8 హార్డ్ డిస్కుల ధ్వంసం తదితర అంశాలపై స్పషల్ ఫోకస్ పెట్టారు. అయితే సీబీఐ విచారణ తర్వాత.. రియా ఇంటికి చేరుకుంటున్న క్రమంలో కొందరు సుశాంత్ అభిమానులు ఆమె కారుపై దాడి చేసే ప్రయత్నం చేశారు. రియాకు వ్యతిరేకంగా నినాదాలు చేస్తూ నానా హంగామా చేశారు. ఈ పరిణామాల నడుమ తనకు భద్రత కల్పించాలంటూ రియా చేసిన అభ్యర్థనను పరిగణలోకి తీసుకొని రియా ఉంటున్న ఇంటికి పోలీసులు భారీ భద్రత కల్పించారు. మరోవైపు సుశాంత్ సూసైడ్ మిస్టరీపై అనేక కోణాల్లో దర్యాప్తు చేస్తున్న సీబీఐ అధికారులు సుశాంత్ ఫ్రెండ్ సిద్దార్థ్ పితానిని, వంట మనిషి ధీరజ్‌ని, ఇంటి పని మనుషులను కూడా విచారిస్తున్నారు. Also Read: కాగా సీబీఐ విచారణలో భాగంగా వెల్లడించిన విషయాలు మరో సంచలనంగా మారాయి. జనవరి నుంచే సుశాంత్ మానసిక స్థితిలో మార్పు కనిపించిందని, అలాగే తన ఫ్లాట్‌లో దెయ్యం ఉందని సుశాంత్ భయపడేవాడని సిద్దార్థ్ సీబీఐ అధికారులతో చెప్పాడు. అలాగే సుశాంత్ డబ్బుతోనే రియా సరదాలు తీర్చుకునేదని, ఆ డబ్బుతోనే ఆమె షాపింగ్స్ చేస్తుండేదని ఆయన పేర్కొన్నాడు. గతంలో రియాకు వ్యతిరేకంగా సాక్ష్యాలు చెప్పాలంటూ తనకు ఫోన్ కాల్స్ వస్తున్నట్లుగా సిద్దార్థ్ పోలీస్ కంప్లైంట్ చేసిన సంగతి తెలిసిందే. దీంతో సుశాంత్ సూసైడ్ కేసులో చోటుచేసుకుంటున్న ఊహించని మలుపులు ఇటు మీడియాలో అటు జనాల్లో హాట్ టాపిక్ అవుతున్నాయి.
from Telugu Movie News | Movie News in Telugu | Movie Gossips in Telugu https://ift.tt/3gH7iEf
v
No comments:
Post a Comment