షకలక శంకర్ హీరోగా ‘లాస్ట్ గాడ్‌ఫాదర్’.. ఆశీర్వదించిన వి.వి.వినాయక్

చిన్నికృష్ణ ప్రొడక్షన్స్ పతాకంపై ప్రధాన పాత్రలో గాంధీ మోహన్ రెడ్డి దర్శకత్వంలో వెలంపల్లి ప్రసాద్ నిర్మిస్తున్న చిత్రం ‘లాస్ట్ గాడ్‌ఫాదర్’. ఈ సినిమా ప్రారంభోత్సవ కార్యక్రమం నల్లమలుపు బుజ్జి కార్యాలయంలో లాంఛనంగా జరిగింది. ముహూర్తపు సన్నివేశానికి వి.వి.వినాయక్ క్లాప్ కొట్టగా.. నిర్మాత మల్లిడి సత్యన్నారాయణ రెడ్డి కెమెరా స్విచ్ ఆన్ చేశారు. డైరెక్టర్ డాలి తొలి సన్నివేశానికి గౌరవ దర్శకత్వం వహించారు. ఈ సందర్భంగా షకలక శంకర్ మాట్లాడుతూ.. ‘‘నా కెరీర్ ఈ బ్యానర్‌లోనే స్టార్ట్ అయ్యింది. ‘నోట్ బుక్’ సినిమాలో నాకు మొదట అవకాశమిచ్చారు ప్రసాద్ గారు. మళ్లీ ఇప్పుడు ఈ బ్యానర్‌లో నటిస్తున్నాను. వినాయక్ గారు నా సినిమాకి క్లాప్ కొట్టి ఆశీర్వదించారు. నిజంగా ఈ రోజు నాకు గొప్ప పండుగ రోజు. తప్పకుండా ఈ సినిమా నా కెరీర్‌లో మంచి సినిమా అవుతుంది’’ అన్నారు. Also Read: దర్శకుడు మల్లిడి గాంధీ మోహన్ రెడ్డి మాట్లాడుతూ.. ‘‘అందరికీ నచ్చే అన్ని అంశాలు కలబోసిన మంచి సబ్జెక్ట్ ‘లాస్ట్ గాడ్‌ఫాదర్’. షకలక శంకర్ మెయిన్ లీడ్ చేస్తున్నారు. మిగతా నటీనటులను త్వరలో ప్రకటిస్తాం. సంగీతం సాయి కార్తీక్ సమకూరుస్తున్నారు. సినిమాటోగ్రఫీ గరుడ వేగ అంజి, మాటలు దుర్గా ప్రసాద్... ఇలా అందరూ అత్యుత్తమ టెక్నీషియన్స్‌తోనే సినిమా చేస్తున్నాం. ఇంతకు ముందు నేను చేసిన సినిమా విషయంలో వచ్చిన అనుభవాలతో ఈ సినిమాని ప్రేక్షకులకు నచ్చేలా తీర్చిదిద్దుతాను’’ అని వెల్లడించారు. నిర్మాత ప్రసాద్ మాట్లాడుతూ.. ‘‘ఒక మంచి టీమ్‌తో మంచి సినిమాను నిర్మిస్తున్నాం. మేం పిలవగానే వచ్చి మా ప్రయత్నాన్ని ఆశీర్వదించిన వి.వి.వినాయక్, డాలి, నల్లమలుపు బుజ్జి గార్లకు ధన్యవాదాలు’’ అని అన్నారు. కాగా, ఈ సినిమాలో పాటలన్నింటినీ రెహమాన్ రాస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/3bbulG2
v