అందరితో తిట్లు తింటున్నా.. ఏదేమైనా సరే చివరకు..! ఫీలింగ్స్ బయటపెట్టిన సుడిగాలి సుధీర్

ఈ మధ్యకాలంలో ఏ ప్రోగ్రాంలో చూసినా బుల్లితెర కామెడీ కింగ్, రొమాంటిక్ ఫెల్లో సుడిగాలి సుధీరే కనిపిస్తున్నాడు. జబర్దస్త్ ద్వారా ఫేమస్ అయిన సుధీర్.. కొన్ని షోస్ హోస్ట్ చేస్తూ యాంకర్‌గా కూడా సత్తా చాటాడు. జబర్దస్త్‌లో కంటెస్టెంట్‌గా వచ్చి ఆ తర్వాత టీం లీడర్‌గా ఎదిగి చివరకు హీరో కూడా అయ్యాడు. అయితే రీసెంట్‌గా వచ్చిన ప్రోగ్రామ్స్‌లో ఈ సుడిగాడిని ఓ రేంజ్‌లో ఆడుకుంటూ కామెంట్స్ చేస్తున్నారు తోటి నటీనటులు. తాజాగా ఈ విషయంపై స్పందిస్తూ ఓపెన్ అయ్యాడు సుధీర్. ఈ మధ్యకాలంలో వస్తున్న ప్రతీ ఈవెంట్‌లో సుధీర్‌నే కార్నర్ చేస్తూ రెచ్చిపోతున్నారు తోటి నటులు. రీసెంట్‌గా జరిగిన ఓ ప్రోగ్రాంలో సింగర్ రాహుల్ సిప్లిగంజ్ అయితే ఏకంగా గూట్లే, హౌలే గాడు అంటూ సుధీర్‌పై విరుచుకుపడటం చూశాం. దీంతో సుధీర్ ఫ్యాన్స్ కొందరు హర్ట్ అయ్యారు. ఈ నేపథ్యంలో తాజాగా సుధీర్ చేసిన చిట్ చాట్‌లో ఇదే విషయంపై ఆయన అభిప్రాయం అడిగారు. అయితే దీనిపై రియాక్ట్ అయిన ఎంతో కూల్‌గా సమాధానమిచ్చి ఆకట్టుకున్నాడు. Also Read: ''వేరొకరిని తిట్టాలని గానీ కించ పరిచాలని గానీ ఎవ్వరూ అనుకోరు. హైపర్ ఆది, శేఖర్ మాస్టర్, రాహుల్ ఇంకా ఎవ్వరైనా సరే.. వాళ్లంతా నా మీద కౌంటర్స్ వేస్తుంటే జనాలు నవ్వుతూ ఎంజాయ్ చేస్తున్నారు. ఒకవేళ పొడిగితే నవ్వుతారని అనిపిస్తే అలాగే చేయమంటాను. మేం ఏది చేసినా మా లక్ష్యం మిమ్మల్ని నవ్వించడం, ఎంటర్టైన్ చేయడం మాత్రమే'' అని చెప్పి తాను పడుతున్న తిట్ల వెనుకనున్న సీక్రెట్స్ రివీల్ చేశాడు సుధీర్. బుల్లితెరపై హవా నడిపిస్తూనే వెండితెరపై కూడా బిజీ అవుతున్నాడు సుధీర్. ఇటీవలే ‘సాఫ్ట్‌వేర్ సుధీర్’ చిత్రంతో హీరోగా సత్తా చాటిన ఆయన రీసెంట్‌గా మరో సినిమాను లైన్‌లో పెట్టాడు. రాజశేఖర్ రెడ్డి పులిచర్ల దర్శకత్వంలో తెరకెక్కనున్న ఈ సినిమా సెప్టెంబర్ మొదటివారం నుంచి రెగ్యులర్ షూటింగ్ జరుపుకోనుంది.

from Telugu Movie News | Movie News in Telugu | Movie Gossips in Telugu https://ift.tt/31Gwy9r
v