కమల్ హాసన్ కుమార్తె, నటి అక్షర హాసన్ మేకప్ ఆర్టిస్ట్ సచిన్ దాదా కరోనా వైరస్‌తో ఇటీవల మృతిచెందారు. తనకెంతో ఇష్టమైన మేకప్ ఆర్టిస్ట్ అకాల మరణాన్ని అక్షర జీర్ణించుకోలేకపోతున్నారు. సచిన్‌ను గుర్తుచేసుకుంటూ ఇన్‌స్టాగ్రామ్ స్టోరీలో ఎమోషనల్ పోస్ట్ పెట్టారు అక్షర. సచిన్‌ను తన సోదరుడిగా అభివర్ణించారు. బాలీవుడ్‌లో తన తొలి చిత్రం ‘షమితాబ్’ నుంచి సచిన్ దాదా తనకు మేకప్ ఆర్టిస్ట్‌గా పనిచేస్తున్నారని చెప్పారు. ఆయన రాకతో తన జీవితంలో పాజిటివిటీ ఎలా పెరిగింది, ఆయనతో సరదాగా చేసిన ప్రాంక్స్ గురించి తన పోస్ట్‌లో అక్షర వివరించారు. Also Read: ‘‘ఈ మహమ్మారి వల్ల మనం చాలా మంది మంచి వ్యక్తులను కోల్పోయాం. ఈ బాధతో నా గుండె బరువెక్కింది. ఈరోజు బరువెక్కిన గుండెతో నేను ఈ పోస్ట్‌ను రాస్తున్నాను. ‘షమితాబ్’ నుంచి నాకు మేకప్ ఆర్టిస్ట్‌గా ఉన్న నా సోదరుడు సచిన్ దాదా కొవిడ్‌తో చనిపోయాడు. ఆయన ఎంతో సంతోషంగా, ఎప్పుడూ నవ్విస్తూ ఉండేవాడు. నేను ఎవరితో అయినా ప్రాంక్స్ చేశానంటే అది ఆయనే. ప్రతిభావంతుడు. వీటన్నింటి కన్నా ఆయన నాకు, ఆయన సహచరులకు గొప్ప స్నేహితుడు. ఇద్దరు కొడుకులకు అద్భుతమైన తండ్రి. ఒక భార్యకు గొప్ప భర్త. ఆయన కుటుంబం ఆరోగ్యంగా ఉండాలని, ఆయన ఎక్కడున్నా ఆత్మకు శాంతి చేకూరాలని ప్రార్థిస్తున్నా’’ అని అక్షర తన పోస్ట్‌లో పేర్కొన్నారు. కాగా, బాలీవుడ్ మూవీ ‘షమితాబ్’తో సినీ ప్రస్థానం మొదలైంది. ఈ సినిమాలో అమితాబ్ బచ్చన్, ధనుష్‌తో కలిసి అక్షర హాసన్ నటించారు. అక్షర పాండే పాత్రలో చక్కగా నటించి విమర్శకుల ప్రశంసల అందుకున్నారు. కానీ, అక్షరకు బాలీవుడ్‌లో అవకాశాలు మాత్రం రాలేదు. ఇక తమిళంలో అజిత్ హీరోగా వచ్చిన ‘వివేగం’ సినిమాలో అక్షర నటించారు. అక్షర చివరిగా చియాన్ విక్రమ్ హీరోగా నటించిన ‘కదరమ్ కొండాన్’ సినిమాలో కనిపించారు. ఈ సినిమాకు ప్రేక్షకుల నుంచి మిశ్రమ స్పందన వచ్చింది. ప్రస్తుతం అక్షర ‘అగ్ని సిరగుగల్’ అనే తమిళ చిత్రంలో నటించారు. నవీన్ దర్శకత్వంలో రూపొందుతోన్న ఈ సినిమా షూటింగ్ తిరిగి ప్రారంభం కావాల్సి ఉంది. ఈ చిత్రంలో అరుణ్ విజయ్, విజయ్ ఆంటొని, ప్రకాష్, నాజర్ ప్రధాన పాత్రలు పోషిస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/2DiUxl6
v
No comments:
Post a Comment