నటుడు తన పుట్టినరోజును సేవచేయడానికి మరో అవకాశంగా మార్చుకుంటున్నారు. కరోనా సంక్షోభంలో విశ్రాంతి లేకుండా పనిచేసిన సోనూ సూద్.. తన సేవలను కొనసాగిస్తూనే ఉన్నారు. ఈ క్రమంలో రేపు (జులై 30న) తన పుట్టినరోజు సందర్భంగా దేశ వ్యాప్తంగా ఉచిత వైద్య శిబిరాలు నిర్వహించనున్నట్టు సోనూ సూద్ వెల్లడించారు. ఈ వైద్య శిబిరాల ద్వారా 50 వేల మందికి సేవలు అందించనున్నట్టు చెప్పారు. ఈ వైద్య శిబిరాలను నిర్వహించేందుకు గ్రామ పంచాయతీలు, ముఖియాలతో సోనూ సూద్ సంప్రదింపులు జరుపుతున్నట్టు సమాచారం. భౌతిక దూరాన్ని పాటిస్తూ ఈ వైద్య శిబిరాలను నిర్వహించబోతున్నట్టు సోనూ సూద్ స్పష్టం చేశారు. ఉత్తర ప్రదేశ్, జార్ఖండ్, పంజాబ్, ఒడియా రాష్ట్రాల్లో ఉచిత మెడికల్ క్యాంప్‌లు నిర్వహించడానికి అక్కడి డాక్టర్లతో మాట్లాడుతున్నట్టు సోనూ సూద్ వెల్లడించారు. జులై 30న సోనూ సూద్ 47 ఏట అడుగుపెడుతున్నారు. ఈ రోజును తన జీవితంలో ఒక ప్రత్యేక రోజుగా మార్చుకోవాలని సోనూ సూద్ చూస్తున్నారు. ఇవి ఎప్పుడూ నిర్వహించే వైద్య శిబిరాల మాదిరిగా ఉండవని.. కొవిడ్-19 నిబంధనలు పాటిస్తూ నిర్వహించాలి కాబట్టి కాస్త ఇబ్బంది ఉండొచ్చని ఆయన తెలిపారు. Also Read: కరోనా సంక్షోభ సమయంలో సోనూ సూద్ చేసిన సామాజిక సేవ గురించి ప్రత్యేకంగా చెప్పాల్సిన అవసరం లేదు. కొన్ని వేల మంది వలస కూలీలను ఆయన ఆదుకున్నారు. ముంబైలో తిండిలేక ఇబ్బంది పడుతోన్న వలస కూలీల పొట్టలు నింపారు. ఉపాధి లేక ఆర్థికంగా ఇబ్బంది పడుతూ సొంతూళ్లకు ముంబై నుంచి వేల కిలోమీటర్లు నడిచి వెళ్తున్న వలస కూలీల పరిస్థితిని చూసి చలించిపోయి సొంతంగా బస్సులు ఏర్పాటుచేసి వారిని తరలించారు. అంతేనా, కేరళలోని కొచ్చి నుంచి ఒడిశాలోని భువనేశ్వర్‌కు ఒక ప్రత్యేక విమానం ఏర్పాటుచేసి వలస కూలీలను తరలించారు. తాజాగా, చిత్తూరు జిల్లాకు చెందిన రైతుకు ట్రాక్టర్ కొనిచ్చారు. సాఫ్ట్‌వేర్ ఉద్యోగం కోల్పోయి కూరగాయలు అమ్ముకుంటోన్న వరంగల్ యువతి శారదకు ఉద్యోగం ఇప్పించారు. ఆమెకు ఆఫర్ లెటర్ కూడా పంపించారు. సినిమాల్లో విలన్ పాత్రలు పోషించే సోనూ.. ఇలాంటి మంచి పనులతో రియల్ లైఫ్‌లో హీరోగా మారారు. ప్రస్తుత కరోనా పరిస్థితుల్లో సినిమా తారలు తమ పుట్టినరోజు వేడుకలను రద్దు చేసుకుంటుంటే.. సోనూ సూద్ మాత్రం ఉచిత వైద్య శిబిరాల ద్వారా బర్త్‌డేను సెలబ్రేట్ చేసుకుంటున్నారు. ఎంతైనా సోనూ భయ్యా గ్రేట్.
from Telugu Movie News | Movie News in Telugu | Movie Gossips in Telugu https://ift.tt/2DcF32a
v
No comments:
Post a Comment