బిగ్ బాస్ తెలుగు సీజన్ 4కి రంగం సిద్ధమైంది. ఆగస్టు ఆఖరి వారంలో షో ప్రారంభమవుతుందని సమాచారం. ప్రస్తుతం అన్నపూర్ణ స్టూడియోలో సెట్ సిద్ధం చేస్తున్నారని ఇండస్ట్రీ వర్గాల ద్వారా తెలిసింది. ఇదిలా ఉంటే, బిగ్ బాస్ 4లో పాల్గొనే కంటెస్టెంట్లకు సంబంధించి ప్రస్తుతం సోషల్ మీడియాలో పలు జాబితాలు చక్కర్లు కొడుతున్నాయి. ఈ జాబితాల్లో టీవీ వ్యాఖ్యాత, యాంకర్ పేరు కూడా ఉంది. ఈ జాబితాల్లో ఉన్న చాలా మంది సెలబ్రిటీలు ఇప్పటికే ఈ రూమర్లను కొట్టిపారేశారు. ఇప్పుడు విష్ణుప్రియ అదే పని చేశారు. రాబోయే బిగ్ బాస్ షోలో తాను పాల్గొనడం లేదని ఇన్‌స్టాగ్రామ్ ద్వారా విష్ణుప్రియ స్పష్టత ఇచ్చారు. ఈ ప్రకటనతో రూమర్స్‌కు చెక్ పెట్టారు. ఈ మేరకు తన రీసెంట్ ఇన్‌స్టాగ్రామ్ స్టోరీలో పేర్కొన్నారు. ‘‘నేను ఎక్కడికీ వెళ్లడం లేదు.. ముఖ్యంగా బిగ్ బాస్‌కి. ఇప్పుడే కాదు ఎప్పుడూ వెళ్లను. ఈ విషయంలో నన్ను నమ్మండి. కాబట్టి, నన్ను ఇష్టపడేవాళ్లు అందరూ రిలాక్స్‌గా ఉండండి. అందరూ సంతోషంగా ఉండండి’’ అని తన ఇన్‌స్టా స్టోరీలో విష్ణుప్రియ పేర్కొన్నారు. బిగ్ బాస్ సీజన్ 4లో పాల్గొనే కంటెస్టెంట్లు వీళ్లే అంటూ తరుణ్, శ్రద్ధా దాస్, సునయన ఇలా చాలా మంది పేర్లు వినిపించాయి. విష్ణుప్రియ కూడా పాల్గొంటున్నారని రూమర్లు వచ్చాయి. ఇప్పటికే తరుణ్, శ్రద్ధా దాస్, సునయన స్పందించారు. ఈ రూమర్లను కొట్టిపాడేశారు. ఇప్పుడు విష్ణుప్రియ కూడా క్లారిటీ ఇచ్చేశారు. గత సీజన్‌లో యాంకర్ శ్రీముఖి పాల్గొన్న విషయం తెలిసిందే. ఆమె రన్నరప్‌గా నిలిచారు. శ్రీముఖికి విష్ణుప్రియ బెస్ట్ ఫ్రెండ్. అందుకే, ఈసారి ఆమె పేరును జాబితాలో చేర్చి వదంతులు వ్యాప్తి చేశారు. కానీ, ఈ షోకు చాలా దూరంగా ఉండాలనుకుంటున్నారు విష్ణుప్రియ. Also Read: ఇదిలా ఉంటే, ‘నువ్వా నేనా’ షో ద్వారా విష్ణుప్రియ పాపులారిటీ సంపాదించారు. ఈ షోను సుడిగాలి సుధీర్‌తో కలిసి విష్ణుప్రియ హోస్ట్ చేశారు. ఈ షోలో సుధీర్, విష్ణుప్రియ కెమిస్ట్రీకి సోషల్ మీడియాలో విపరీతంగా ఫాలోయింగ్ పెరిగింది. ముఖ్యంగా యంగ్ ఆడియన్స్ బాగా కనెక్ట్ అయ్యారు. ప్రస్తుత లాక్‌డౌన్ సమయంలో విష్ణుప్రియ ఫ్యామిలీతో సమయాన్ని గడుపుతున్నారు. తనకెంతో ఇష్టమైన డ్యాన్స్ చేస్తున్నారు. ఈ లాక్‌డౌన్ సమయంలోనే ఝాన్సీ నిర్వహించిన క్వారంటైన్ లైఫ్ చాట్ షో ‘లవ్ యు జిందగీ’లో శ్రీముఖితో కలిసి పాల్గొన్నారు.
from Telugu Movie News | Movie News in Telugu | Movie Gossips in Telugu https://ift.tt/2X9eRN7
v
No comments:
Post a Comment