నిజమే.. నందమూరి బాలకృష్ణ మాట్లాడిన దాంట్లోనూ న్యాయం ఉంది. ఇండస్ట్రీ పెద్దలు ఆస్తులు పంచుకునేందుకే తెలంగాణ ప్రభుత్వంతో చర్చలు జరిపారనే కామెంట్స్ ఇబ్బందికరమైనవే అయినా ఆయన్ని పిలవకపోవడం అనేది డిబేటబుల్. సర్ సర్ లే.. మమ్మల్ని మాత్రం పిలిచారా?? నేను మూవీ ఆర్టిస్ట్ అసోసియేషన్ ప్రెసిడెంట్‌ని అని నరేష్ ఎందుకొచ్చిన గొడవలే అనుకుని సర్దిచెప్పుకున్నా.. మహేష్ బాబు, మోహన్ బాబు లాంటి వాళ్లు సైలెంట్‌గా ఉన్నా.. వారి మాదిరే బాలయ్య కూడా సైలెంట్‌గా ఉండాలని అనుకోలేం. ఎందుకుంటే బాలయ్యకి కాలితే ప్రాణం పెట్టే ఫ్యాన్స్‌నే వీరి ఉతుకుడు ఉతికేస్తారు. అలాంటిది తన ఇగోని హర్ట్ చేస్తే ఈ మాత్రం రియాక్షన్ ఉండటంలో పెద్ద ఆశ్చర్యం లేదు. అయితే బాలయ్య తనను పిలవలేదనే బలమైన వాదనతో పాటు.. రియల్ ఎస్టేట్ అదీ ఇదీ అంటూ నోరు జారటం ఆయన వాదనను బలహీన పరిచిందనే చెప్పాలి. ఆవేశంలో ఆ మాట అన్నారో.. ఆ చర్చల వెనుకు నిజంగానే ఏదైనా మర్మం ఉందో తెలియదు కాని.. బాలయ్య వ్యాఖ్యలపై నాగబాబు ఫైర్ అయిన తీరు మెగా వర్సెస్ నందమూరి ఫ్యామిలీల మధ్య వైరంగా మారాయి. ఎన్నికల ముందు అంతా నా ఇష్టం అంటూ యూట్యూబ్ ఛానల్‌ ఓపెన్ చేసిన నాగబాబు.. నందమూరి బాలకృష్ణను ఓ రేంజ్‌లో టార్గెట్ చేసి ఎపిసోడ్‌ల వారీగా ఆయనపై సంచలన కామెంట్స్ చేశారు. బాలయ్య ఎవరో తనకు తెలియదని.. పెద్ద ఫ్యామిలీ అంటే ఏంటి?? అంటూ వివాదాస్పద వీడియోలతో రచ్చ రచ్చ చేశారు నాగబాబు. అయితే నాగబాబు చేసిన వ్యాఖ్యలపై సైలెంట్‌గానే ఉండిపోయారు బాలయ్య. అప్పటి నుంచి బాలయ్య ఫ్యాన్స్ సైతం సైలెంట్‌గానే ఉన్నారు. అయితే తాజా ఇష్యూతో బాలయ్యపై నిప్పులు చెరుగుతూ నోటి కొచ్చినట్టు మాట్లాడితే ఊరకునేది లేదని.. వెంటనే బాలయ్య క్షమాపణ చెప్పాలంటూ నాగబాబు డిమాండ్ చేయడంతో బాలయ్య అభిమానుల ఆగ్రహం కట్టలు తెంచుకుంది. దీంతో నాగబాబుకు కౌంటర్ ఎటాక్ ఇస్తూ స్నేక్ బాబు, సూసైడ్ బాబు అంటూ ఓ రేంజ్‌లో టార్గెట్ చేశారు బాలయ్య ఫ్యాన్స్. ఈ సందర్భంగా నాగబాబుకి ప్రశ్నలు సంధిస్తున్నారు. ‘ఆయన 25 లక్షల రూపాయలు కరోనా క్రైసిస్ చారిటీ కి ఇచ్చారు, అవి తీసుకున్న వాళ్ళు మీటింగ్ కి పిలవలేరా?? అవి తీసుకోటం గుర్తుంది కానీ మీటింగ్ కి పిలవడం గుర్తు లేదా? అయినా కరోనా క్రిసిస్ చారిటీ కి నువ్వెంత ఇచ్చావ్ నాగ బాబు? నువ్ మాట్లాడేవాడివా?? అంటూ నాగబాబుపై మండి పడుతున్నారు బాలయ్య ఫ్యాన్స్. మరో అభిమాని స్పందిస్తూ.. ‘బాలయ్య ఎవరో నాకు తెలీదు అన్నావ్, ఎన్నికల ముందు ఆయన మీద విషం కక్కావ్.అప్పుడు కూడా ఆయన స్థాయి తన స్థాయి దిగి నీకు రిప్లయ్ ఇవ్వలేదు అయినా ఇప్పుడు బాలయ్య క్షమాపణ చెప్పాలి అంటున్నావ్... ఏ బాలయ్య చెప్పాలి? నీకు వేరే బాలయ్య తెలుసు కదా ఆయన్ని అడుగు’ అంటూ నాగబాబు గట్టి కౌంటర్స్ ఇస్తున్నారు. ‘మా బాలయ్య బాబు క్షమాపణ చెప్పాలా.. కాన్సర్ హాస్పిటల్ మీద ఇప్పటికి ఒక్క ఆరోపణ ఉందా? ప్రత్యక్ష రాజకీయాల్లో ఉన్నా ఒక్కరన్నా ఆయన చేసే సేవ గురించి మాట్లాడారా?? మీ బ్లడ్ బ్యాంక్ మీద ఎన్ని ఆరోపణలు ఉన్నాయో చెప్పాలా?? నిన్ను వదిలే సమస్య లేదు సూసైడ్ స్టార్’ అంటూ నాగబాబుని హెచ్చరిస్తూ ట్రోల్ చేస్తున్నారు నందమూరి ఫ్యాన్స్.
from Telugu Movie News | Movie News in Telugu | Movie Gossips in Telugu https://ift.tt/2yJArP7
v
No comments:
Post a Comment