పెళ్లి వార్తతో టాలీవుడ్ మోస్ట్ ఎలిజిబుల్ బ్యాచ్లర్ అనే ట్యాగ్ లైన్కి ఎండ్ కార్డ్ వేశారు రానా దగ్గుబాటి. తాను ప్రేమించిన అమ్మాయిని సోషల్మీడియా ద్వారా పరిచయం చేశాడు. తన ప్రేమను అంగీకరించిందని చెబుతూ ఇద్దరు కలిసి ఉన్న ఫోటోను ఇన్ స్టాగ్రామ్లో షేర్ చేస్తూ పెళ్లి కబురు చెప్పారు రానా. ఆయన ప్రేమించిన అమ్మాయి పేరు మిహికా బజాజ్ కాగా.. ఆమె ఎవరు? ఏమిటి? అని ఇంటర్నెట్లో విపరీతమైన వెతుకులా మొదలైంది. బళ్లాల దేవుడికి ప్రపంచ వ్యాప్తంగా ఫాలోయింగ్ ఉండటంతో ఇతడికి కాబోయే భార్య ఎవరన్న ఆసక్తి అందర్లోనూ ఉంది. రానాకు కాబోయే భార్యకు సంబంధించిన సెర్చ్ చేస్తుండగా పలు ఆసక్తికరమైన విషయాలు తెలిశాయి. రానా పెళ్లాడబోయే అమ్మాయి మిహికా బజాజ్ పక్కా హైదరాబాదీ. పుట్టి పెరిగింది ఇక్కడే. మూడేళ్ల క్రితం వరకూ ఆమె హైదరాబాద్లోనే ఉండేది. చెల్సియా యూనివర్శిటీలో ఇంటీరియల్ రిజైన్ మాస్టర్ డిగ్రీ పూర్తి చేసింది మిహికా బజాజ్. అనంతరం తన తల్లి వెడ్డింగ్ ప్లానింగ్ బిజినెస్లో కీలకంగా ఉండేది మిహికా బజాజ్. అనంతరం 2017లో ఆమె ‘డ్యూ డ్రాప్ డిజైన్’ అనే ఈవెంట్ కంపెనీని రన్ చేసి యంగ్ బిజినెస్ ఉమెన్గా సత్తా చూపించారు. ఒకవైపు తల్లి వెడ్డింగ్ ప్లానింగ్ బిజినెస్ చూస్తూనే.. తాను సొంతంగా రన్ చేస్తున్న ఇంటీరియల్ డిజైన్ కంపెనీ బాధ్యతల్ని నిర్వర్తించేది. ఈమెకు హైదరాబాద్తో పాటు ముంబైలో కూడా బ్రాంచెస్ ఉండటంతో తరచూ హైదరాబాద్-ముంబై ప్రయాణాలు చేసేది. డిజైనింగ్ అండ్ మార్కెటింగ్ రంగంలో మంచి అనుభవం సాధించిన ఈమెలో మంచి రైటర్ కూడా ఉన్నారు. డిజైన్ పటాకి మ్యాగజైన్కి డిజైనింగ్లో టిప్స్ అందిస్తూ ఆర్టికల్స్ కూడా రాస్తుంటుంది మిహికా బజాజ్. ఫుల్గా తినడంతో పాటు నచ్చిన వంటల్ని వండుకోవడం, పుస్తకాలు చదవడం, జర్నీని బాగా ఇష్టపడుతుందట మిహికా బజాజ్. ఇవన్నీ ఆమె కోసం సెర్చ్ చేస్తుండగా లభించిన విషయాలు.. మరి తనకు కాబోయే భార్యకోసం రానా ఎలాంటి ఆసక్తికరమైన విషయాలు చెప్తాడో చూడాలి.
from Telugu Movie News | Movie News in Telugu | Movie Gossips in Telugu https://ift.tt/2T2tdwK
v
No comments:
Post a Comment