గబ్బర్ సింగ్ దర్శక నిర్మాతలు హరీష్ శంకర్, బండ్ల గణేష్ల మధ్య వివాదం ముదిరింది. గబ్బర్ సింగ్ లాంటి ఇండస్ట్రీ హిట్ తీసిన ఈ ఇద్దరి మధ్య ఎప్పటి నుంచో విభేదాలు ఉన్నప్పటికీ.. ఈ సినిమా పూర్తై ఎనిమిదేళ్లు అయిన సందర్భంగా బయటపడ్డాయి. ఈ సినిమా 8 ఏళ్లు పూర్తైన సందర్భంగా అభిమానుల నుంచి ట్వీట్స్ వరదలా రావడంతో వారందరికీ థాంక్స్ చెప్తూ దర్శకుడు నోట్ విడుదల చేశారు. ఇందులో ఇందులో ఒక్క మినహా.. ‘గబ్బర్ సింగ్’ చిత్రానికి పనిచేసిన అందరికీ ధన్యవాదాలు తెలిపారు హరీష్ శంకర్. నిజానికి ఆయన మరిచిపోయారో లేక కావాలనే చెప్పలేదో తెలియదు కాని.. ఈ ఇష్యూపై సీరియస్గా రియాక్ట్ అయ్యారు నిర్మాత బండ్ల గణేష్. గబ్బర్ సింగ్ 8 ఏళ్లు పూర్తైన సందర్భంగా తన పేరు ప్రస్తావించకపోవడం బండ్ల గణేష్ స్పందిస్తూ.. ‘అదీ హరీష్ శంకర్ సంస్కారం.. అతన్ని పవన్ కళ్యాణ్కి పరిచయం చేసి సినిమా అవకాశం ఇప్పించింది నేను.. ఎన్టీఆర్తో సినిమా మిస్ అయ్యి డిప్రెషన్లో ఉంటే.. నేను పిలిచి సినిమా ఇచ్చా.. ఆయన గబ్బర్ సింగ్ లాంటి హిట్ వచ్చిందంటే ఎవరివల్లో మరిచిపోయారు. ఆయన సంస్కారం గురించి ఇంతకంటే ఏం మాట్లాడగలం. అయినా హరీష్ శంకర్ రీమేక్ దర్శకుడు. ఆయన రీమేక్ చిత్రాలు తప్ప సొంతంగా స్ట్రయిట్ సినిమా తీయలేరు. ఆయన్ని స్ట్రయిట్ సినిమా తీసి హిట్ కొడితే నేను ఇండస్ట్రీ వదిలేసి వెళిపోతా. గబ్బర్ సింగ్ కూడా అంత పెద్ద హిట్ అయ్యిందంటే అందులో సలహాలు చాలా ఉన్నాయి. అంత్యాక్షరి ఎపిసోడ్ పవన్ ఐడియానే. హీరోయిన్ శృతి హాసన్ ఎంపిక కూడా పవన్ కళ్యాణ్దే. అయితే హరీష్ శంకర్ మేం అనుకున్న బడ్జెట్లోనే సినిమా కంప్లీట్ చేశారు. ఈ సినిమా అప్పుడు మా మధ్య ఎలాంటి విభేదాలు లేవు.. అలాంటివే ఉంటే సినిమా పూర్తయ్యేది కాదు. ఆయన గురించి నేను చేసిన కామెంట్స్కి కట్టుబడే ఉన్నా.. రాస్తే రాసుకోండి.. నేను హరీష్ శంకర్ని ఇలా అన్నట్టు. నేను ఎవరికీ భయపడను. నా మాట అంటే మాటే’ అంటూ ఫైర్ అయ్యారు బండ్ల గణేష్.
from Telugu Movie News | Movie News in Telugu | Movie Gossips in Telugu https://ift.tt/3dPs2sx
v
No comments:
Post a Comment