యంగ్ ఎనర్జిటిక్ హీరో నిఖిల్కి పెళ్లి గడియలు వచ్చాయి. డాక్టర్ పల్లవి వర్మతో నిఖిల్ నిశ్చితార్థం జరిగిన విషయం తెలిసిందే. ఏప్రిల్ 16న పెళ్లి ఏర్పాట్లు చేసుకున్నారు. అయితే ప్రపంచం మెత్తాన్ని కరోనా మహమ్మారి వ్యాపించడంతో అన్నీ స్తంభించిపోయాయి. లాక్డౌన్ విధించడంతో ప్రజలంతా ఇళ్లకే పరిమితమయ్యారు. ఈ పరిస్థితిలో నిఖిల్ పెళ్లి వాయిదా వేసుకున్నారు. అయితే కళ్యాణం వచ్చినా కక్కు వచ్చినా ఆగదు అనే పెద్దల సామెత నిజమైంది. లాక్డౌన్ తరువాత మూఢం రావటం.. ముహుర్తాలు లేకపోవటం వలన వధూవరులు ఇద్దరి జాతకాల రీత్యా రేపు (మే 14) ఉదయం 6 గంటల 31 నిమిషాలకు పెళ్లి చేయటానికి ఇరు కుటుంబాల పెద్దలు నిర్ణయించారు. అయితే, భౌతిక దూరం దృష్ట్యా అత్యంత సన్నిహితులను మాత్రమే పిలిచి షామీర్ పేటలోని ఓ ప్రైవేట్ గెస్ట్ హౌస్లో పెళ్లి చేస్తున్నారు. ఈ పెళ్లిలో ప్రభుత్వం సూచించే అన్ని పద్ధతులు పాటిస్తున్నారు. అభిమానుల మధ్యలో ఈ పెళ్లిని ఆడంబరంగా చేసుకోవాలుకున్న నిఖిల్.. ఇప్పుడు ఈ క్లిష్ట పరిస్థితుల్లో నిరాడంబరంగా చేసుకుంటున్నారు. ఇదిలా ఉంటే, ఈరోజు నిఖిల్, పల్లవి వర్మలను పెళ్లికొడుకు, పెళ్లికూతురులను చేశారు. ఈ ఫొటోలు ఇప్పుడు సోషల్ మీడియాలో వైరల్ అవుతున్నాయి. నిర్మాత ఎస్కేఎన్ వీడియోను ట్వీట్ చేశారు. పసుపు బట్టల్లో నిఖిల్ మెరిసిపోతున్నారు. అలాగే, పట్టుచీరలో పల్లవి వర్మ అందంగా ముస్తాబయ్యారు. హిందూ సంప్రదాయం ప్రకారం, శాస్త్రోక్తంగా నిఖిల్, పల్లవి వర్మల పెళ్లి జరగనుంది.
from Telugu Movie News | Movie News in Telugu | Movie Gossips in Telugu https://ift.tt/3fKFoYy
v
No comments:
Post a Comment