ఎన్టీఆర్ ఎనర్జీని ఎవ్వరూ మ్యాచ్ చేయలేరు: లావణ్య త్రిపాఠి

దర్శకధీరుడు రాజమౌళి తెరకెక్కిస్తోన్న భారీ మల్టీస్టారర్ RRR నుంచి ఎన్టీఆర్ ఫస్ట్ లుక్ కోసం నందమూరి అభిమానులు ఎంతో ఆసక్తిగా ఎదురు చూస్తున్నారు. మే 20న ఎన్టీఆర్ పుట్టినరోజు సందర్భంగా ‘RRR’లో భీమ్ లుక్ విడుదల చేస్తారని ఆశించారు. కానీ, చిత్ర యూనిట్ షాక్ ఇచ్చింది. లాక్‌డౌన్‌లో ప్రొడక్షన్‌కు సంబంధించిన వర్క్ మొత్తం ఆగిపోవడంతో ఎన్టీఆర్ అభిమానుల కోసం ఫస్ట్ లుక్ కానీ, టీజర్ కానీ విడుదల చేయలేకపోతున్నామని ప్రకటించింది. అభిమానులను మంత్ర ముగ్దులను చేసే ఫస్ట్ లుక్ వీడియోను త్వరలో తీసుకొస్తామని వెల్లడించింది. అభిమానులు నిరాశ చెందవద్దని ఎన్టీఆర్ కూడా లేఖ రాశారు. Also Read: అయితే, RRR సినిమాలో ఎన్టీఆర్ లుక్ కోసం తాను కూడా వెయిట్ చేస్తున్నానని సొట్టబుగ్గల సుందరి లావణ్య త్రిపాఠి అన్నారు. ఎన్టీఆర్ ఎనర్జీని ఎవ్వరూ మ్యాచ్ చేయలేరని ఆమె కొనియాడారు. సోమవారం ట్విట్టర్ ద్వారా అభిమానులతో లావణ్య త్రిపాఠి ముచ్చటించారు. వారు అడిగిన ప్రశ్నలకు ఆమె సమాధానాలు ఇచ్చారు. దీనిలో భాగంగా ఎన్టీఆర్ గురించి ఒక్క మాటలో చెప్పాలని ఒక అభిమాని లావణ్యను అడిగాడు. దీనికి పై విధంగా ఆమె సమాధానం ఇచ్చారు. ప్రభాస్, పవన్ కళ్యాణ్, రవితేజ, చిరంజీవి, రామ్ చరణ్, నాని గురించి కూడా లావణ్య స్పందించారు. ప్రభాస్ కూలెస్ట్ పర్సన్ అని లావణ్య అన్నారు. తనకు ఇష్టమైన సహ నటుల్లో నాని ఒకరని చెప్పారు. రామ్ చరణ్ అద్భుతమని.. ఆయన సినిమా ‘రంగస్థలం’ అంటే తనకు ఎంతో ఇష్టమని వెల్లడించారు. రవితేజ చాలా సరదా మనిషని కొనియాడారు. చిరంజీవిని తాను ఆరాధిస్తానని చెప్పారు. తాను ఇప్పటి వరకు కలిసిన వ్యక్తుల్లో చిరంజీవి చాలా స్వీట్ అని, దయా హృదయం కలిగిన, చాలా వినయపూర్వకమైన వ్యక్తి అని లావణ్య ప్రశంసలు కురిపించారు. ఎలాంటి పరిస్థితుల్లో అయినా ధైర్యంగా నిలబడే పవన్ తత్వాన్ని తాను ఆరాధిస్తానని లావణ్య చెప్పారు.

from Telugu Movie News | Movie News in Telugu | Movie Gossips in Telugu https://ift.tt/367mDdE
v