ప్రస్తుతం కరోనా వైరస్ ప్రపంచాన్ని వణికిస్తోంది. ఆ మహమ్మారిని తరిమికొట్టేందుకు ఎన్నో దేశాలు ప్రయత్నిస్తున్నాయి. వాటిలో మనం దేశం కూడా ఉంది. 40 రోజులకు పైగా లాక్డౌన్ను కొనసాగిస్తూ కరోనా వైరస్ను నిర్మూలించేందుకు ప్రయత్నిస్తోంది. ఈ వైరస్ చైనాలో పుట్టిన సంగతి తెలిసిందే. వుహాన్లోని జంతుమాంస మార్కెట్ ద్వారా ఈ వైరస్ వ్యాప్తి చెందిందని చైనాతో పాటు, ప్రపంచ ఆరోగ్య సంస్థ చెబుతోంది. అయితే, ఇది చైనాలోని ల్యాబ్ నుంచి బయటికి వచ్చిందని అమెరికాతో పాటు మరికొన్ని దేశాలు వాదిస్తున్నాయి. ఏది ఎలా ఉన్నా ఈ వైరస్ అయితే మాత్రం చైనా నుంచి ప్రపంచ దేశాలకు వ్యాపించడం వాస్తవం. ఈ పాయింట్ను ఆధారంగా చేసుకుని కరోనాపై ఒక తెలుగు సినిమా వస్తోంది. ‘కరోనా మేడిన్ చైనా’ అనే టైటిల్తో తల్లాడ సాయికృష్ణ దర్శకత్వంలో ఈ సినిమా రూపొందుతోంది. శ్రీ అన్నపూర్ణ క్రియేషన్స్ బ్యానర్పై తల్లాడ శ్రీనివాస్ ఈ సినిమాని నిర్మిస్తున్నారు. ఈ సినిమా టైటిల్ పోస్టర్ను తాజాగా విడుదల చేశారు. Also Read: ఈ సందర్భంగా డైరెక్టర్ సాయి కృష్ణ మాట్లాడుతూ.. ‘‘ఈ సినిమా షూటింగ్ను ఫిబ్రవరి నెలలోనే మొదలుపెట్టాం. దాదాపు 40 శాతం చిత్రీకరణ పూర్తి చేసాం. తర్వాత కరోనా వైరస్ వ్యాప్తి వల్ల షూటింగ్ నిలిపివేసాం. ఈ సినిమాలో చాలా ట్విస్ట్లు ఉంటాయి. మేం కథలో ఏది అయితే అనుకున్నామో ప్రస్తుతం బయట అదే జరుగుతోంది. మా సినిమాలో ట్విస్టులతో పాటు నిజాలు కూడా ఉన్నాయి. ‘మనం ఎలా ఉంటామో ప్రకృతి కూడా మనకు అలానే ప్రతిబింబాన్ని చూపిస్తుంది’ అనే అంశంపై కథ ఉంటుంది’’ అని అన్నారు. ఇప్పటి వరకు ఖమ్మం, బాపట్ల ప్రాంతాల్లో షూటింగ్ చేశామని దర్శకుడు వెల్లడించారు. ‘‘నాకు ఎప్పుటికీ సపోర్ట్గా ఉంటూ సినిమా చేసే విషయంలోనూ నన్ను ప్రోత్సహిస్తూ ఉండే మా అమ్మ శ్రీలక్ష్మి అంటే నాకు చాలా ఇష్టం. అలానే సమాజంలో ఉన్న అందరు అమ్మలకు ‘మదర్స్ డే’ శుభాకాంక్షలు తెలియజేస్తూ, వారి ఆశీస్సులు కావాలి అని కోరుకుంటూ టైటిల్ను, కాన్సెప్ట్ పోస్టర్ను విడుదల చేసాం’’ అని దర్శకుడు తెలిపారు. ఈ సినిమా విడుదల అనంతరం వచ్చిన డబ్బులో 30 శాతం ఒక అనాథ ఆశ్రమానికి ఇవ్వాలని నిర్ణయించుకున్నట్టు నిర్మాత శ్రీనివాస్ వెల్లడించారు. కాగా ఈ సినిమాలో సాయి కృష్ణ, హనీ, శోభన్ ప్రధాన పాత్రలు పోషిస్తున్నారు. శివ కాకు కథ, మాటలు అందించారు.
from Telugu Movie News | Movie News in Telugu | Movie Gossips in Telugu https://ift.tt/3dzY3Ez
v
No comments:
Post a Comment