ప్రపంచాన్ని వణికిస్తోన్న కరోనా వైరస్పై ప్రజల్లో అవగాహన కల్పించేందుకు హీరో విజయ్ దేవరకొండ ముందుకొచ్చారు. తెలంగాణ రాష్ట్ర ప్రభుత్వ వైద్య, ఆరోగ్య, కుటుంబ సంక్షేమ శాఖ విజయ్తో కలిసి ఓ ప్రత్యేక వీడియో విడుదల చేసింది. ఆ వీడియోలో కరోనా వైరస్ పట్ల ఎలా జాగ్రత్తగా ఉండాలో ప్రజలకు వివరించారు విజయ్. కరోనా వైరస్ గురించి భయపడాల్సిన అవసరం లేదని.. చిన్న చిన్న జాగ్రత్తలు తీసుకుంటే చాలని ప్రజలకు విజయ్ సూచించారు. పద్ధతిగా నమస్కారం పెట్టాలని.. షేక్ హ్యాండ్లు ఇవ్వొద్దని అన్నారు. ‘‘తరుచుగా చేతిని సబ్బుతో కడుక్కోండి. మీ కళ్లని, ముక్కు, నోటిని, చెవిని చేతితో తాకకండి. ఎవరైనా దగ్గుతూ, తుమ్ముతూ ఏంటే వాళ్ల నుంచి కనీసం మూడడుగుల దూరంలో ఉండండి. రద్దీ ప్రాంతాలకు వెళ్లకండి. మనమందరం కరోనా వైరస్ను అరికట్టాలంటే ఈ జాగ్రత్తలు తీసుకోవాల్సిందే. ఎవరికైనా ఈ వ్యాధి లక్షణాలు ఉంటే వెంటనే 104 నెంబర్కు కాల్ చెయ్యండి’’ అని వీడియోలో విజయ్ దేవరకొండ వెల్లడించారు. ఈ వీడియోని విజయ్ తన ట్విట్టర్ హ్యాండిల్లో పోస్ట్ చేశారు. Also Read: కాగా, దేశ వ్యాప్తంగా ఇప్పటి వరకు 56 కరోనా పాజిటివ్ కేసులు నమోదైన విషయం తెలిసిందే. తెలంగాణలో ఒక పాజిటివ్ కేసు నమోదైంది. ఈ వైరస్ ఇక్కడ వ్యాప్తి చెందకుండా తెలంగాణ ప్రభుత్వం చర్యలు తీసుకుంటోంది. దీనిలో భాగంగా కరోనా వైరస్ సోకకుండా తీసుకోవాల్సిన జాగ్రత్తలపై విస్తృత ప్రచారం కల్పిస్తున్నారు. సినిమా స్టార్ల ద్వారా ప్రచారం కల్పిస్తే ఎక్కువ మందికి చేరువవ్వగలమనే ఉద్దేశంతో తెలంగాణ ప్రభుత్వం విజయ్ దేవరకొండను రంగంలోకి దించింది. Also Read: ఇదిలా ఉంటే, ప్రస్తుతం విజయ్.. పూరీ జగన్నాథ్ దర్శకత్వంలో ఒక సినిమా చేస్తున్నారు. బాక్సింగ్ నేపథ్యంలో సాగనున్న ఈ యాక్షన్ ఎంటర్టైనర్ పాన్ ఇండియా మూవీగా తెరకెక్కుతోంది. బాలీవుడ్ స్టార్ ప్రొడ్యూసర్ కరణ్ జోహార్తో కలిసి పూరీ జగన్నాథ్ ఈ సినిమాను నిర్మిస్తున్నారు. ఇప్పటికే ముంబైలో 40 రోజుల షూటింగ్ను ఈ సినిమా పూర్తి చేసుకుంది. చిత్ర యూనిట్ సోమవారం ముంబై నుంచి హైదరాబాద్కు తిరిగి వచ్చింది. హైదరాబాద్ వచ్చిన వెంటనే తెలంగాణ ప్రభుత్వం విజయ్తో ఈ ప్రకటనను చిత్రీకరించింది.
from Telugu Movie News | Movie News in Telugu | Movie Gossips in Telugu https://ift.tt/2W1QwsS
v
No comments:
Post a Comment