మా పెళ్లి ఆగదు.. గుళ్లోకి వెళ్లైనా పెళ్లి చేసేసుకుంటాం: నిఖిల్

కరోనా ఎఫెక్ట్‌తో తన పెళ్లి వాయిదా పడిందనే వార్తల్ని ఖండించారు యంగ్ . నిఖిల్ కొద్ది రోజుల క్రితం డాక్ట‌ర్ ప‌ల్ల‌వితో నిశ్చితార్ధం జ‌రుపుకున్న సంగ‌తి తెలిసిందే. ఏప్రిల్ 16న ఈ ప్రేమ జంట పెళ్లి పీటలు ఎక్కబోతున్నారు. అయితే కరోనా ప్రభావంతో ఈ పెళ్లిని వాయిదా వేసుకోబోతన్నారనే వార్తలు సోషల్ మీడియాలో వైరల్ కావడంతో వీటిపై స్పందిస్తూ.. ఆరు నూరైనా పెళ్లిని వాయిదా వేసుకునే ప్రసక్తే లేదన్నారు హీరో నిఖిల్. ‘నా పెళ్లిపై ఆందోళన అవసరం లేదు.. కరోనా కాదు కదా.. ఏదొచ్చినా మా పెళ్లి అనుకున్న సమయానికి ఖచ్చితంగా జరగుతుంది. వాయిదా వేసుకునే ప్రసక్తే లేదు. ఒకవేళ విపత్కర పరిస్థితులు వస్తే.. మేం ఇద్దరం గుళ్లోకి వెళైనా సరే పెళ్లి చేసేసుకుంటా.. మా పెళ్లిని ఆపలేరు. మేం చేయాల్సింది మే చేస్తాం. జీవితంలో పెళ్లి అనేది గొప్ప ఫీలింగ్. కాని ఇలాంటి పరిస్థితులు వచ్చినప్పుడు మా పెళ్లికి వచ్చేవారి ఆరోగ్యం కూడా మాకు ముఖ్యమే. అందుకే వాళ్ల సేఫ్టీని దృష్టిలోపెట్టుకొని పెళ్లి పనులు చేసుకుంటున్నాం. చాలావరకూ పరిమితంగా గానే ఏర్పాట్లు చేస్తున్నాం. జనం ఎక్కువగా గేదర్ అయ్యే ప్రీ వెడ్డింగ్, బ్యాచ్‌లర్ పార్టీలను ఇప్పటికే వాయిదా వేసుకున్నాం. ఇప్పటికే కన్వెన్షన్ హాల్‌‌ను అడ్వాన్స్‌గా బుక్ చేసుకొన్నాం. కరోనా ప్రభావం రానున్న రోజుల్లో ఎలా ఉంటుందో చెప్పలేం. ఇంకా నా పెళ్లికి టైం ఉంది కాబట్టి.. అదుపులోకి రావాలనే అనుకుంటున్నా. మంచి జరుగుతుందనే వివాహ ఆహ్వాన పత్రికలను బంధువులకు, సన్నిహితులకు పంచుతున్నాం. పెళ్లి పనులు బాగా జరగుతున్నాయి. సో.. కరోనా కాదు కదా.. ఏం వచ్చినా మా పెళ్లిని వాయిదా వేసుకునే ఉద్దేశం లేదు’ అంటూ మీడియాకి వివరించారు నిఖిల్.

from Telugu Movie News | Movie News in Telugu | Movie Gossips in Telugu https://ift.tt/33koNoM
v