భార్యాభర్తలు.. అందమైన జీవితం.. భర్తంటే భార్యకు, భార్యకే భర్తకు ప్రాణం. భర్తే సర్వస్వం అనుకునే భార్య. భార్యతో పాటు బిజినెస్ కూడా ముఖ్యమే అనుకునే భర్త. అంతా సవ్యంగా సాగిపోతోంది అనుకుంటున్న సమయంలో ఒక్క చెంప దెబ్బ. జీవితాన్నే చిన్నాభిన్నం చేసేసింది. ప్రముఖ నటి ప్రధాన పాత్రలో నటించిన ‘థప్పడ్’ సినిమా కథ ఇది. అనుభవ్ సిన్హా డైరెక్ట్ చేసిన ఈ సినిమా ట్రైలర్ విడుదలైంది. ఇందులో తాప్సి గృహిణి పాత్రలో నటించారు. తన భర్త, ఇల్లే సర్వస్వం అనుకుని బతికే మహిళ. కానీ తన భర్త వర్క్ టెన్షన్‌లో పడి ఆవేశంలో భార్య చెంపపై కొడతాడు. దాంతో ఆమె విడాకులు కావాలని కోర్టు మెట్లు ఎక్కుతుంది. కేవలం ఒకే ఒక్క చెంప దెబ్బ వల్ల విడాకులు తీసుకోవాలని అనుకుంటున్న తాప్సి నిర్ణయానికి న్యాయస్థానం కూడా షాక్ అవుతుంది. ‘కేవలం ఒక్క చెంప దెబ్బకే విడాకులా?’ అని న్యాయవాది తాప్సిని అడిగిన ప్రశ్నకు తాప్సి సమాధానం చెబుతూ.. ‘ఆయన నన్ను తొలిసారి కొట్టారు. కొట్టింది ఒక్కసారే అయినా కొట్టాల్సిన అవసరం లేదు కదా. నాపై నిజంగా అంత ప్రేమ ఉంటే కొట్టాల్సిన అసవరం నిజంగా రాదు కదా’ అని తిరిగి ప్రశ్నించిన తీరు ఆలోచింపజేస్తోంది. READ ALSO: ‘అర్జున్ రెడ్డి’, ‘కబీర్ సింగ్’ సినిమాలతో బ్లాక్ బస్టర్ విజయాలు అందుకున్న దర్శకుడు సందీప్ రెడ్డి వంగాకు ఈ సినిమాతో దిమ్మతిరిగే ఆన్సర్ ఇచ్చారు అనుభవ్ సిన్హా. ‘కబీర్ సింగ్’లో హీరో హీరోయిన్‌పై చేయి చేసుకోవడం వివాదాస్పదమైంది. ఈ సన్నివేశాన్ని సమర్ధించుకుంటూ సందీప్ ఓ మాటన్నారు. ‘మనం ఎవరినైనా నిజంగా ప్రేమిస్తే వారిని ముట్టుకోలేనప్పుడు, కొట్టలేనప్పుడు ఆ బంధంలో ఎమోషన్ కనిపించదు’ అన్నారు. ఇదే డైలాగ్‌ను ‘థప్పడ్’ ట్రైలర్‌లో వాడారు. ఫిబ్రవరి 28న సినిమా ప్రేక్షకుల ముందుకు రాబోతోంది.
from Telugu Movie News | Movie News in Telugu | Movie Gossips in Telugu https://ift.tt/2GDQdLP
v
No comments:
Post a Comment