హీరోయిన్ .. ఈ పేరుతో పాటు ఈమెను కూడా తెలుగు ఆడియన్స్ గుర్తుపట్టడం కష్టమే కాని.. అప్పట్లో కుమారి వర్సెస్ కుమారి, టెన్త్ క్లాస్ (సెకండ్ హీరోయిన్) సినిమాల్లో నటించిన సునైనాకి తమిళ్‌లో మంచి క్రేజ్ ఉంది. ఇప్పుడు తమిళ తంబీలు ఈమె రహస్య వివాహం గురించే చర్చించుకుంటున్నారు. సునైనా ఎవర్ని పెళ్లి చేసుకుంది? వరుడు ఎవరు? అంటూ చర్చోపచర్చలు మొదలుపెట్టారు. కొందరైతే ఆమెకు, ఆమె సన్నిహితులకు ఫోన్ చేసి శుభాకాంక్షలు కూడా తెలియజేస్తున్నారట. హడావిడి ఏం లేకుండా రహస్యంగా పెళ్లి చేసుకున్న ఈ నటికి పెళ్లి పెద్దలు ఎవరయ్యా అంటే.. సోషల్ మీడియా ప్రచారకర్తలే. అవును.. ఇటీవల ఒక యువకుడితో కలిసి ఉన్న ఫొటోను సునైనా తన ఇన్‌స్ట్రాగామ్‌లో పోస్ట్‌ చేసింది. దీంతో సునైనా ఆ అబ్బాయిని రహస్యంగా వివాహం చేసుకుందంటూ సోషల్ మీడియాలో ప్రచారం మొదలుపెట్టారు. ఈ పెళ్లి రూమర్ హీరోయిన్ చెవిన పడటంతో.. ఇదేం కర్మరా దేవుడా..? నాకు పెళ్లి కావడం ఏంటి.. పెళ్లి చేసుకునే దాన్నైతే అందరికీ చెప్పే చేసుకుంటా అంటూ క్లారిటీ ఇచ్చింది సునైనా. తనకు పెళ్లైపోయిందని వచ్చిన వార్తల్లో నిజం లేదని.. అవన్నీ రూమర్స్ మాత్రమే అంటూ ఖండించింది సునైనా. అంతేకాదు.. అసలు తాను ఎవరితోనూ పెళ్లికి ఇంకా సిద్ధపడలేదని ఒకవేళ ఆ టైం వస్తే తానే స్వయంగా చెప్తానని క్లారిటీ ఇచ్చింది సునైన. అయితే సునైనా తన పెళ్లి రూమర్స్‌ని ఖండించినా తన పెళ్లిని ఇంకా చేస్తూనే ఉన్నారని వాపోతుంది ఈ బ్యూటీ. కాగా సునైన తెలుగులో క్లిక్ కాలేకపోయినా.. తమిళ్ బిజీగా మారింది. కాదలిల్‌ విళిందేన్ చిత్రంలో తమిళ్‌లో ఇంట్రీ ఇచ్చిన ఈ ముద్దుగుమ్మ.. నీర్‌పార్వై, వంశం, మాసిలామణి, తదితర చిత్రాల్లో నటించింది. ఇటీవల ధనుష్‌ హీరోగా నటించిన ఎన్నై నోక్కి పాయుమ్‌ తూటా చిత్రంలో కీలకపాత్రలో నటించి మెప్పించింది. ప్రస్తుతం ట్రిప్, ఎరియుమ్‌ కన్నాడి లాంటి తమిళ చిత్రాలతో పాటు వెబ్ సిరీస్‌లో నటిస్తూ బిజీగా మారింది.
from Telugu Movie News | Movie News in Telugu | Movie Gossips in Telugu https://ift.tt/2SEE5Bj
v
No comments:
Post a Comment