కొత్త కంటెంట్, కొత్త టాలెంట్ ఉన్నా కూడా కొన్ని విషయాల్లో మన భారతీయ చిత్ర పరిశ్రమ హాలీవుడ్‌ను దాటలేకపోతోంది. హాలీవుడ్ కంటే మన ఇండియా నుంచి విడుదలయ్యే సినిమాల సంఖ్యే ఎక్కువ. కానీ అక్కడి సినిమాలకు భారతదేశంలో విపరీతమైన క్రేజ్ ఉంది. ఆ విషయం ‘అవెంజర్స్: ఎండ్‌గేమ్’ సినిమా చూస్తేనే అర్థమైపోతుంది. ఇంతకీ విషయం ఏంటంటే.. 2019లో అత్యధికంగా అమ్ముడుపోయిన సినిమాల టికెట్ల జాబితాను విడుదల చేసింది ప్రముఖ ఆన్‌లైన్ టికెటింగ్ పోర్టల్ బుక్ మై షో. అత్యధికంగా ఇండియాలో ‘అవెంజర్స్: ఎండ్‌గేమ్’ సినిమా టికెట్లే అమ్ముడుపోయాయి (ఆన్లైన్లో). మార్వెల్ స్టూడియోస్ తెరకెక్కించిన ఈ సినిమా కోసం ప్రపంచమంతా థియేటర్లకు పరుగులుపెట్టింది. ఇందుకు కారణం అవెంజర్స్ ఫ్రాంచైస్ నుంచి విడుదలైన చివరి సినిమా ఇదే కావడం. ఈ సినిమాలో ఐరన్ మ్యాన్, థార్, కెప్టెన్ అమెరికా, బ్లాక్ విడో వంటి సూపర్ హీరో క్యారెక్టర్స్ అన్నీ ఒకే చోట చేరడంతో సినిమా కలెక్షన్లతో బాక్సాఫీస్‌ను దున్నేసింది. బుక్ మై షో 2019లో అన్ని భాషల్లో కలిపి 1880 సినిమాల టికెట్లను ఆన్లైన్లో అమ్మింది. వీటిలో ‘అవెంజర్స్: ఎండ్‌గేమ్’ సినిమాకు సంబంధించిన 8.6 మిలియన్ టికెట్లు అమ్ముడుపోయి టాప్ స్థానంలో ఉంది. అంతేకాదు భారతదేశంలో హయ్యస్ట్ సెల్లింగ్ హాలీవుడ్ చిత్రంగానూ నిలిచింది. ఆ తర్వాత స్థానంలో బాలీవుడ్ నటుడు విక్కీ కౌషల్ నటించిన ‘ఉరి: ది సర్జికల్ స్ట్రయిక్స్’ సినిమా ఉంది. READ ALSO: ఈ సినిమా నుంచి 5.7 మిలియన్ టికెట్లు అమ్ముడుపోయాయి. ఆ తర్వాత స్థానాల్లో ‘కబీర్ సింగ్’, ‘సాహో’, ‘వార్’, ‘ది లయన్ కింగ్’, ‘మిషన్ మంగళ్’ ఉన్నాయి. బుక్ మై షో డేటా ప్రకారం.. గతేడాదితో పోలిస్తే 2019లో హిందీ సినిమాలకు పన్నెండు శాతం డిమాండ్ పెరిగింది. టాప్ రీజినల్ సినిమాల్లో తెలుగు, తమిళం, మలయాళం, కన్నడ, మరాఠీ చిత్రాలు నిలిచాయి. మలయాళ సినిమాల డిమాండ్ 108 శాతానికి పెరిగింది. హాలీవుడ్ 45 శాతం, హిందీ 25 శాతం డిమాండ్ పెరిగింది. 2019లో బాలీవుడ్ ఖిలాడీ అక్షయ్ కుమార్ నటించిన సినిమాలకు సంబంధించి 9.2 మిలియన్ టికెట్లు అమ్ముడుపోయాయి. ఆ తర్వాత స్థానంలో ఆయుష్మాన్ ఖురానా ఉన్నాడు. ఇక లైవ్ ఎంటర్‌టైన్మెంట్ విషయానికొస్తే.. ఇంటర్నేషనల్ లైవ్ ఈవెంట్స్‌కి బుక్ మై షోలో 62 శాతం డిమాండ్ పెరిగింది. READ ALSO:
from Telugu Movie News | Movie News in Telugu | Movie Gossips in Telugu https://ift.tt/39rNO45
v
No comments:
Post a Comment