బాలీవుడ్‌లో సీరియల్ కిస్సర్ అనే ట్యాగ్‌ను దక్కించుకున్నారు బాలీవుడ్ నటుడు ఇమ్రాన్ హష్మీ. ఆయన సినిమాల్లో కంటెంట్ ఉన్నా లేకపోయినా కిస్సింగ్ సన్నివేశాలు మాత్రం ఎప్పుడూ ఉంటాయి. అందుకే ఆయన్ను సీరియల్ కిస్సర్ అంటుంటారు. అయితే ఈ ట్యాగ్ తనకు చాలా బాధ కలిగిస్తుందని ఇమ్రాన్ తెలిపారు. ఈ విషయాన్ని ఓ ఇంటర్వ్యూలో వెల్లడించారు. ‘నేను ఇలాంటి అసభ్యకరమైన పనులు చేస్తూనే నా కెరీర్‌ను మలుచుకున్నాను. సినిమాల్లో నా పాత్ర ఎప్పుడూ తప్పుగానే ఉంటుంది. ఇలాంటి కాకుండా ఇక నుంచి మంచిని చూపించే పాత్రల్లో నటించాలి. అలాంటి స్క్రిప్ట్స్ కోసం ఎదురుచూస్తున్నా. కానీ ఇప్పటివరకు అలాంటి స్క్రిప్ట్స్ రానేలేదు. అయితే జాన్ అబ్రహం, అక్షయ్ కుమార్‌లకు మాత్రం దేశభక్తుల్లా కనిపించే పాత్రలు దక్కుతుంటాయి. అందుకే ప్రజలు వారిని దేశభక్తులు అనుకుంటారు. కానీ నాకు మాత్రం కాపురాలు కూల్చే వ్యక్తిగా కనిపించే పాత్రలు, అక్రమ సంబంధాలు పెట్టుకునే వ్యక్తిగా కనిపించే పాత్రలు దక్కుతూ ఉంటాయి. అందుకే ప్రజలకు నా ముఖం చూడగానే వీడు అక్రమ సంబంధాలు పెట్టుకుంటూ ఉంటాడు అనుకుంటారు. కానీ నిజానికి నేను చాలా మంది వాడిని. కానీ ప్రజలు ఎవ్వరూ నమ్మరు’ అని తెలిపారు. ప్రస్తుతం ఇమ్రాన్ ‘ది బాడీ’ అనే క్రైం థ్రిల్లర్ పాత్రలో నటించారు. ఇందులో వేదిక, శోభితా ధూలిపాల కథానాయికలుగా నటించారు. బాలీవుడ్ నటుడు రిషి కపూర్ పోలీసు అధికారి పాత్రలో నటించారు. ఇమ్రాన్ గురించి వేదిక మాట్లాడుతూ.. ‘నిజానికి ఇమ్రాన్ చాలా మంచివాడు. ఈ సినిమాలో ఇమ్రాన్ నాతో అక్రమ సంబంధం పెట్టుకుంటాడు. అయితే నాకు ఇమ్రాన్ గురించి వ్యక్తిగతంగా ఏమీ తెలీదు కానీ అతను చాలా మంచివాడు అని అర్థమైంది’ అన్నారు. ఆ తర్వాత ఇమ్రాన్ మాట్లాడుతూ.. ‘కిస్సింగ్ సీన్స్‌లో నటించాల్సి ఉంటుంది. నీకు ఓకేనా అని వేదికను అడిగాను. ఇది కేవలం సినిమా మాత్రమే కాబట్టి ఆమె ఏమీ అనుకోలేదు. బహుశా నాతో సినిమా అనగానే వరస్ట్ సన్నివేశాలను ఊహించుకున్నట్లుంది’ అని చమత్కరించారు.
from Telugu Movie News | Movie News in Telugu | Movie Gossips in Telugu https://ift.tt/2qNES7u
v
No comments:
Post a Comment