బాలీవుడ్‌కు చెందిన సినీ విమర్శకుడు, విశ్లేషకుడు తరణ్ ఆదర్శ్ ఇచ్చే రివ్యూలకు ట్విట్టర్‌లో ఫాలోయింగ్ ఎక్కువే. ఆయన చాలా నిజాయతీగా తన నిర్ణయాన్ని చెబుతుంటారని టాక్. అలాంటి తరణ్ ఆదర్శ్ ఇప్పుడు ప్రభాస్ ఫ్యాన్స్‌కు ఆగ్రహం తెప్పించేలా ‘సాహో’ రివ్యూ ఇచ్చారు. అదొక పనికిమాలిన సినిమాగా తీసిపారేశారు. కేవలం 1.5 స్టార్ రేటింగ్ మాత్రమే ఇచ్చారు. దీంతో ప్రభాస్ ఫ్యాన్స్‌కు కోపం కట్టలు తెంచుకుంది. ట్విట్టర్‌లో ఆదర్శ్‌ను ఏకిపారేస్తున్నారు. ప్రభాస్, శ్రద్ధ కపూర్ జంటగా నటించిన ‘సాహో’ చిత్రం భారీ అంచనాల నడుమ శుక్రవారం ప్రేక్షకుల ముందుకు వచ్చిన సంగతి తెలిసిందే. ఈ సినిమాను చూసిన ప్రేక్షకులు అంచనాలకు తగ్గట్టుగా లేదంటున్నారు. సినిమాలో యాక్షన్ సన్నివేశాలు, భారీతనం ఉన్నా కథ, కథనం పెద్ద మైనస్‌గా మారాయని అంటున్నారు. మరీ అంత ఘోరంగా లేదని, ఒకసారి చూడదగిన సినిమా అని చెబుతున్నారు. ఇక ప్రభాస్ ఫ్యాన్స్‌కు అయితే ఈ సినిమా పిచ్చపిచ్చగా నచ్చేసింది. సినిమాలో ప్రభాస్ కటౌట్‌ను చూసి వాళ్లు ఊగిపోతున్నారు. ఇలాంటి సినిమాకు మరీ ఘోరంగా రివ్యూ ఇవ్వడం ఇప్పుడు ప్రభాస్ ఫ్యాన్స్ జీర్ణించుకోలేకపోతున్నారు. Also Read: ‘‘ఒక్క మాటలో చెప్పే రివ్యూ... సాహో: అస్సలు మింగుడుపడదు. రేటింగ్: 1.5 నైపుణ్యం, బోలెడంత డబ్బు, అవకాశాన్ని ఒక పసలేని కథ, తికమక పెట్టే కథనం, అనుభవంలేని దర్శకత్వంతో వృథా చేసేశారు’’. అని తన ట్వీట్‌లో తరణ్ ఆదర్శ్ పేర్కొన్నారు. ఇప్పుడు ఈ ట్వీట్ విపరీతంగా వైరల్ అవుతోంది. నాలుగు వేలకు పైగా రీట్వీట్‌లు, 2,500లకు పైగా కామెంట్లు. దక్షిణాది సినిమాపై పక్షపాతం చూపుతున్నారని ఒకరు, గతంలో ఆయన 4 స్టార్లు ఇచ్చినా ఫ్లాపైన బాలీవుడ్ సినిమాలను ఎత్తిచూపుతూ మరొకరు తరణ్ ఆదర్శ్‌ను తిట్టిపోస్తున్నారు. సల్మాన్ ఖాన్ హీరోగా జూన్‌లో విడుదలైన ‘భారత్’ సినిమాకు తరణ్ ఆదర్శ్ అప్పుడు 4 స్టార్లు ఇచ్చారు. సినిమా అద్భుతంగా ఉందని కొనియాడారు. దాన్ని ఎత్తి చూపుతూ ప్రభాస్ ఫ్యాన్స్ ప్రశ్నలు సంధిస్తున్నారు. ‘భారత్’ సినిమా బాక్సాఫీసు వద్ద అట్టర్ ఫ్లాప్ అయ్యిందని, దీనికి మీ సమాధానం ఏంటని ప్రశ్నిస్తున్నారు. వాస్తవానికి ‘భారత్’ సుమారు రూ.300 కోట్ల గ్రాస్ వసూలు చేసింది. కానీ, సినిమానైతే అందరూ మెచ్చుకోలేదు. ఏదేమైనా, తరణ్ ఆదర్శ్ ఇచ్చిన రివ్యూ, రేటింగ్ తీవ్ర దుమారమే రేపింది.
from Telugu Movie News | Movie News in Telugu | Movie Gossips in Telugu https://ift.tt/32hA07T
v
No comments:
Post a Comment