రెబల్ స్టార్ నటించిన ‘సాహో’ చిత్రం భారీ అంచనాల నడుమ రేపు ఆగస్టు 30న విడుదల కానుంది. ఈ మూవీ కోసం ప్రభాస్‌తో ఫ్యాన్స్‌తో పాటు మూవీ లవర్స్ కూడా ఎంతో ఆసక్తితో ఎదురుచూస్తున్నారు. బాహుబలి చిత్రం తరువాత ప్రభాస్ మూవీ కావడం.. హాలీవుడ్ రేంజ్‌లో సుమారు రూ. 350 కోట్లతో భారీ బడ్జెట్‌తో తెరకెక్కించడం.. బాలీవుడ్ హీరోయిన్‌తో పాటు హాలీవుడ్ టెక్నీషియన్లు ఈ చిత్రానికి పనిచేయడంతో ఈ సినిమాపై విపరీతమైన అంచనాలు ఏర్పడ్డాయి. ఈ అంచనాలకు తగ్గట్టుగానే ప్రభాస్ కెరియర్‌లో ఎన్నడూ చేయనంతగా ఈ సినిమాకు భారీ ఎత్తున ప్రమోషన్స్ నిర్వహించారు. హిందీ, తెలుగు, తమిళ్, కన్నడ, మలయాళ భాషల్లో సైతం విరివిగా ప్రమోషన్స్ నిర్వహించారు. ప్రభాస్‌తో పాటు దర్శకుడు సుజీత్, నిర్మాణ సంస్థ యూవీ క్రియేషన్స్ ధీమాగానే ఉన్నారు. దీంతో పాటు ఈ భారీ బడ్జెట్ మూవీకి పాజిటివ్ బజ్ ఉండనే ఉంది. ఈ సందర్భంలో ‘సాహో’ చిత్రం విడుదలకు ముందే సోషల్ మీడియాలో నెగిటివ్ ప్రచారం మొదలైంది. సినిమాను ఎప్పుడు చూశారు ఎక్కడ చూశారో వివరాలను తెలియజేయకుండా అప్పుడే ట్విట్టర్‌లో నెగిటివ్ ట్వీట్స్ చేస్తున్నారు. కథ రొటీన్‌గానే ఉందని.. సాంగ్స్‌తో పాటు వీఎఫ్ఎక్స్ వర్క్ పేలవంగా ఉందంటున్నారు. సెకండాఫ్ బాగుందని.. ఫస్టాఫ్ యావరేజ్ అంటున్నారు. అయితే ప్రభాస్ యాక్షన్‌తో ఇంటర్వెల్‌కి ముందు వచ్చే 20 నిమిషాలు, క్లైమాక్స్‌లో వచ్చే 30 నిమిషాల యాక్షన్ సీక్వెన్స్ సినిమాకి హైలైట్ అంటున్నారు. ఇక హిందీ వర్షన్‌లో చూశామని చెప్తున్న ఇంకొంతమంది.. ప్రభాస్ డబ్బింగ్ అస్సలు కుదర్లేదని.. శ్రద్ధా కపూర్ యాక్టింగ్ కూడా బాలేదంటున్నారు. దీంతో పాటు దాదాపు సినిమా నిడివి బాగా ఎక్కువగా ఉందంటూ టోటల్‌గా సినిమా నచ్చలేదంటున్నారు. యాక్షన్ సన్నివేశాలు ఉన్నప్పటికీ.. సరైన కథలేదని, స్క్రీన్ ప్లేలోనూ విషయం లేదంటున్నారు. కామెడీ నిల్ అని.. విలన్లు మాత్రం ఫుల్‌గా ఉన్నారని సినిమా చాలా పెద్దగా ఉందంటూ ప్రభాస్ కోసం ఒక్కసారి చూడొచ్చంటూ 2/5 రేటింగ్‌తో సరిపెట్టేస్తున్నారు. అయితే ఈ ట్వీట్స్ అన్నీ ప్రభాస్ ఇమేజ్‌ను ఆయన క్రేజ్‌ను తట్టుకోలేక కొంతమంది పనికట్టుకుని నెటిటివ్ ప్రచారం చేస్తున్నారు. ‘సాహో’ సినిమా రేంజ్‌లో ఏంటో రేపు ఉదయం తెలుస్తుందంటున్నారు ప్రభాస్ ఫ్యాన్స్.
from Telugu Movie News | Movie News in Telugu | Movie Gossips in Telugu https://ift.tt/30LMLHq
v
No comments:
Post a Comment