‘కష్టపడు.. ఫలితం ఆశించు’.. ఈ సూత్రాన్ని విజయ్ దేవరకొండ తూచా తప్పకుండా పాటిస్తున్నాడు. స్టార్ ఇమేజ్ వచ్చాక.. మన రెమ్యూనరేషన్ మనకు వస్తుంది కదా అని సైలెంట్‌ అయిపోతుంటారు మన హీరోలు. అయితే విజయ్ దేవరకొండ ఆ టైప్ కాదు.. కథ విన్నప్పటి నుండే సినిమా నాది అనుకుంటారు. నా అనుకున్న సినిమాను నిర్మాతలు, దర్శకులపై వదిలేయకుండా సినిమా ప్రమోషన్స్ భూజాలపై వేసుకుని శక్తివంచన లేకుండా కష్టపడతాడు.. ఆ కష్టానికి తగ్గ ఫలితమే ఈ ‘డియర్ కామ్రేడ్’ కలెక్షన్లు. ‘గీతగోవిందం’ సినిమాతో బ్లాక్ బస్టర్ హిట్ అందుకున్న విజయ్ దేవరకొండ, రష్మిక మందన జోడీ టాలీవుడ్‌లోనే బెస్ట్ రొమాంటిక్ జోడీగా మారింది. ఈ ఇద్దరూ మళ్లీ కలిసి నటింస్తే బావుండు అనేంతగా కెమెస్ట్రీని వర్కౌట్ చేశారు. ఈ ఇద్దరి కాంబినేషన్‌లో యువ దర్శకుడు భరత్ కమ్మ ‘డియర్ కామ్రేడ్’ అనే రొమాంటిక్ ఎంటర్ టైనర్ చిత్రాన్ని రూపొందించారు. ఈ చిత్రంతో భరత్ కమ్మ ఇండస్ట్రీకి పరిచయం కాగా.. మైత్రీ మూవీమేక‌ర్స్, బిగ్ బెన్ సినిమాస్ ప‌తాకాల‌పై న‌వీన్ ఎర్నేని, య‌ల‌మంచిలి ర‌విశంక‌ర్‌, మోహ‌న్ చెరుకూరి(సి.వి.ఎం), య‌శ్ రంగినేని ఈ చిత్రాన్ని నిర్మించారు. శుక్రవారం భారీ అంచనాలతో తెలుగు, తమిళ, మలయాళం, కన్నడ భాషల్లో ఒకేసారి విడుదల చేశారు. విడుదలకు ముందు ఈ నాలుగు రాష్ట్రాల్లో సినిమా ప్రమోషన్స్ విరివిగా నిర్వహించి పాజిటివ్ బజ్ క్రియేట్ చేశారు. గీత, గోవిందంగా వెండితెరపై రొమాన్స్ పండించిన విజయ్ దేవరకొండ, రష్మికలు.. ఈ చిత్రంలో బాబీ, లిల్లీగా మెస్మరైజ్ చేస్తున్నారు. భారీ అంచనాలతో విడుదలైన ఈ చిత్రానికి ప్రేక్షకుల నుండి పాజిటివ్ టాక్ వినిపిస్తోంది. రెండు తెలుగు రాష్ట్రాలతో పాటు తమిళనాడు, కర్ణాటక, కేరళలో భారీగా విడుదల కాగా.. ఓవర్సీస్‌లో సైతం అత్యధిక థియేటర్స్‌లో విడుదలై కాసుల వర్షం కురిపిస్తోంది. యూఎస్‌లో గురువారం నాడు (నిన్న) 171 పైగా స్క్రీన్స్‌లలో విడుదలైన ఈ చిత్రం విజయ్ దేవరకొండ కెరియర్‌లోనే బెస్ట్ త్రీ ఓపెనింగ్స్ రాబట్టింది. ప్రీమియర్ షోల ద్వారా 2,05,066 డాలర్లు రాబట్టి అర్జున్ రెడ్డి, టాక్సీవాలా, నోటా చిత్రాలను బీట్ చేసింది. మొత్తంగా 3,00,066 డాలర్లులకు చేరువైనట్టు తెలుస్తోంది. అయితే శుక్రవారం నాడు కూడా భారీగా ఈ చిత్రానికి ఆక్యుపెన్సీ ఉండటంతో ఈ కలెక్షన్లు రెట్టింపయ్యే అవకాశం కనిపిస్తుంది. అయితే తెలుగు రాష్ట్రాల్లో మాత్రం టాక్ పరంగా డియర్ కామ్రేడ్‌కి మిశ్రమ స్పందన లభిస్తోంది. విజయ్ గత చిత్రాలు... టాక్సీవాలా, అర్జున్ రెడ్డి, గీత గోవిందం సినిమాలకంటే బెటర్ అనేలా ‘డియర్ కామ్రేడ్’ లేదని. థియేటర్స్ వచ్చిన ప్రేక్షకుడ్ని నిరుత్సాహ పరచకుండా చేశారు తప్ప.. అంచనాలను ‘డియర్ కామ్రేడ్’ అందుకోలేకపోయాడనే టాక్ ఎక్కువగా వినిపిస్తోంది. ఇప్పటి వరకూ విజయ్ దేవరకొండ కెరియర్ బెస్ట్ ప్రీమియర్ కలెక్షన్లు, సినిమాలు ఇలా ఉన్నాయి. 1. గీత గోవిందం 377,930 డాలర్లు 2. మహానటి 303,456 డాలర్లు 3. డియర్ కామ్రేడ్ 273,000 డాలర్లు 4. అర్జున్ రెడ్డి 194,051 డాలర్లు 5 నోటా 128,760 డాలర్లు 6. టాక్సీవాలా 94,270 డాలర్లు.
from Telugu Movie News | Movie News in Telugu | Movie Gossips in Telugu https://ift.tt/2ZfSep4
v
No comments:
Post a Comment