‘పిల్లా పిక్చర్ పర్ఫెక్ట్’ వీడియో సాంగ్.. కాజల్ పర్ఫెక్ట్ గురూ!

శర్వానంద్, అగర్వాల్, కళ్యాణి ప్రియదర్శిన్ హీరోహీరోయిన్లుగా సుధీర్ వర్మ దర్శకత్వంలో తెరకెక్కుతోన్న చిత్రం ‘రణరంగం’. సితార ఎంటర్‌టైన్మెంట్స్ బ్యానర్‌పై సూర్యదేవర నాగవంశీ ఈ చిత్రాన్ని నిర్మిస్తున్నారు. ఆగస్టు 15న ఈ చిత్రం ప్రేక్షకుల ముందుకు వస్తోంది. ఇప్పటి ఈ సినిమాలోని రెండు పాటలను విడుదల చేశారు. ఈ పాటలకు ప్రేక్షకుల నుంచి మంచి స్పందన వచ్చింది. తాజాగా మూడో పాటను విడుదల చేశారు. ‘పిల్లా పిక్చర్ పర్ఫెక్ట్’ అంటూ సాగే వీడియో పాటను ప్రేక్షకుల ముందుకు తీసుకొచ్చారు. కృష్ణ చైతన్య సాహిత్యం అందించిన ఈ పాటను నిఖితా గాంధీ ఆలపించారు. సన్నీ ఎం.ఆర్. స్వరపరిచారు. హీరో శర్వానంద్, కాజల్ అగర్వాల్‌లపై ఈ పాటను చిత్రీకరించారు. సాహిత్యానికి తగ్గట్టుగానే కాజల్ పిక్చర్ పర్ఫెక్ట్‌గా ఉంది. కాజలే కాదు.. లుక్ కూడా అదిరిపోయింది. గుబురు గెడ్డంలో శర్వానంద్ స్టైలిష్‌గా ఉన్నారు. కాగా, ఈ చిత్రం నిర్మాణానంతర కార్యక్రమాలు ముగింపు దశలో ఉన్నాయి. త్వరలోనే సెన్సార్‌కు వెళ్లనుంది. ఈ చిత్రానికి అర్జున్ - కార్తీక్ మాటలు అందించారు. ప్రశాంత్ పిళ్ళై సంగీతం సమకూరుస్తున్నారు. దివాకర్ మణి సినిమాటోగ్రఫీ అందించారు. రామజోగయ్య శాస్త్రి, కృష్ణ చైతన్య పాటలు రచించారు. నవీన్ నూలి ఎడిటర్. వెంకట్ స్టంట్స్ డిజైన్ చేశారు. బృంద, శోభి, శేఖర్ కొరియోగ్రఫీ అందంచారు. ఈ చిత్రానికి పి.డి.వి.ప్రసాద్ సమర్పకుడిగా వ్యవహరిస్తున్నారు. సూర్యదేవర నాగవంశీ నిర్మాత. రచన-దర్శకత్వం సుధీర్ వర్మ.

from Telugu Movie News | Movie News in Telugu | Movie Gossips in Telugu https://ift.tt/331qlUi
v