‘ఇస్మార్ట్ శంకర్’ బ్లాక్ బస్టర్ కలెక్షన్స్.. ఫుల్ ప్రాఫిట్!

డాషింగ్ డైరెక్టర్ పూరి జగన్నాథ్ నిర్మాతగా మరోసారి సక్సెస్ అయ్యారు. 13 ఏళ్ల క్రితం ‘పోకిరి’ సినిమాతో కోట్లు ఆర్జించిన పూరి.. మళ్లీ ఇన్నాళ్లకు నిర్మాతగా లాభాలను పొందుతున్నారు. పూరి జగన్నాథ్ దర్శకత్వం వహించి నిర్మించిన చిత్రం ‘ఇస్మార్ట్ శంకర్’. ఎనర్జిటిక్ స్టార్ రామ్ హీరోగా నటించారు. నభా నటేశ్, నిధి అగర్వాల్ హీరోయిన్లు. మణిశర్మ సంగీతం సమకూర్చారు. హై ఓల్టేజ్ మాస్ మసాలా సినిమాగా ప్రేక్షకుల ముందుకు వచ్చిన ‘ఇస్మార్ట్ శంకర్’.. పూరి జగన్నాథ్‌కు గెలుపు దాహాన్ని తీర్చింది. గత కొంత కాలంగా వరుస ఫ్లాపులతో ఢీలా పడిన పూరీకి ‘ఇస్మార్ట్ శంకర్’ విజయం ఉపశమనాన్ని ఇచ్చింది. తొలి రోజు నుంచి మంచి కలెక్షన్లు రాబడుతోన్న ‘ఇస్మార్ట్ శంకర్’ 12 రోజుల్లో ప్రపంచ వ్యాప్తంగా రూ.29.93 కోట్ల డిస్ట్రిబ్యూటర్ల షేర్‌ను వసూలు చేసిందని సినీ వర్గాలు చెబుతున్నాయి. మొత్తం గ్రాస్ సుమారు రూ.65 కోట్లని అంటున్నారు. 12 రోజుల్లో తెలుగు రాష్ట్రాల్లో రూ.26.68 కోట్ల షేర్‌ను ‘ఇస్మార్ట్ శంకర్’ వసూలు చేసిందట. ఇక ఓవర్సీస్‌లో సుమారుగా రూ. 1.15 కోట్లు రాబట్టిందని అంటున్నారు. ఈ చిత్ర థియేట్రికల్ హక్కులను పూరి జగన్నాథ్ రూ.17 కోట్లకు విక్రయించారట. ప్రస్తుత కలెక్షన్లు బట్టి చూస్తే ఇప్పటికే లాభం రూ.12 కోట్లు దాటింది. దీంతో ‘ఇస్మార్ట్ శంకర్’ పూరీకి బ్లాక్ బస్టర్ కలెక్షన్స్ తెచ్చిపెడుతోందని అంటున్నారు. ప్రాంతాల వారీగా ‘ఇస్మార్ట్ శంకర్’ 12 రోజుల షేర్ కలెక్షన్స్ నైజాం - రూ. 9.92 కోట్లు సీడెడ్ - రూ. 5.25 కోట్లు నెల్లూరు - రూ. 1.03 కోట్లు గుంటూరు - రూ. 1.78 కోట్లు కృష్ణా - రూ. 1.85 కోట్లు పశ్చిమ గోదావరి - రూ. 1.55 కోట్లు తూర్పు గోదావరి - రూ. 1.80 కోట్లు ఉత్తరాంధ్ర - రూ. 3.50 కోట్లు మొత్తం ఏపీ, తెలంగాణ షేర్: రూ. 26.68 కోట్లు దేశంలోని ఇతర ప్రాంతాల్లో - రూ. 2.10 కోట్లు ఓవర్సీర్ - రూ. 1.15 కోట్లు 12 రోజుల్లో ప్రపంచ వ్యాప్తంగా ‘ఇస్మార్ట్ శంకర్’ బాక్సాఫీసు కలెక్షన్స్ (షేర్): రూ. 29.93 కోట్లు

from Telugu Movie News | Movie News in Telugu | Movie Gossips in Telugu https://ift.tt/311bqHN
v