సూప‌ర్ స్టార్ మ‌హేష్‌కి రోజా హ్య‌ట్సాఫ్‌

టాలీవుడ్ అగ్ర క‌థానాయ‌కుల్లో ఒక‌రైన సూప‌ర్‌స్టార్ మ‌హేష్ త‌న పెద్ద న‌మ‌సును చాటుకుంటూనే ఉన్నారు. మంచి మ‌న‌సులో మ‌హేష్‌ శ్రీమంతుడు అని అంద‌రూ ఆయ‌న్ని అభినందిస్తున్నారు. ఆయ‌న కేవ‌లం సినిమాలు, క‌మ‌ర్షియ‌ల్ యాడ్స్ అంటూ కేవ‌లం డబ్బు సంపాద‌న‌కే ప‌రిమితం కాలేదు. చిన్నారుల హృద‌య స్పంద‌న‌ను కాపాడ‌టానికి కృషి చేశారు. రెయిన్ బో హాస్పిట‌ల్ వారితో క‌లిసి ప్యూర్ లిటిల్ హార్ట్స్‌ ఫౌండేష‌న్‌ను ప్రారంభించారు. ఈ ఫౌండేష‌న్ ఆధ్వ‌ర్యంలో గుండె ఆప‌రేష‌న్ చేయించుకున్న చిన్నారుల‌తో, వారి త‌ల్లిదండ్రుల‌తో మ‌హేష్ మాట్లాడారు. మ‌హేష్ చేసిన మంచి ప‌నిని చూసి అంద‌రూ అభినందిస్తున్నారు. ఈ క్ర‌మంలో వైసీపీ నాయ‌కురాలు, ఎమ్మెల్యే, సినీ న‌టి రోజా కూడా సోష‌ల్ మీడియా వేదిక‌గా స్పందించారు. ప్యూర్ లిటిల్ హార్ట్ ఫౌండేష‌న్ కార్య‌క్ర‌మంలో మ‌హేష్ మాట్లాడుతున్న వీడియో షేర్ చేసిన రోజా.. ‘చిన్నారుల గుండె చప్పుడు వింటున్న మహేష్‌కి హ్యాట్సాఫ్’ అని మెసేజ్ కూడా పోస్ట్ చేశారు రోజా. త‌మ అభిమాన హీరో చేస్తున్న మంచి ప‌నుల‌తో ఆయ‌న ఫ్యాన్స్ చాలా సంతోషాన్ని వ్య‌క్తం చేస్తున్నారు. ఇప్ప‌టికే గుండె సంబంధిత వ్యాధుల‌తో బాధ ప‌డుతున్న చిన్నారుల‌కు మ‌హేష్ అండ‌గా నిలుస్తున్నారు. వెయ్యి మంది చిన్నారుల గుండె ఆప‌రేష‌న్స్‌కు మ‌హేష్ ఇప్ప‌టికే త‌న వంతు సాయాన్ని అందిస్తున్నారు మ‌హేష్‌. అలాగే తెలంగాణ‌లో సిద్దాపురం, ఆంధ్ర‌ప్ర‌దేశ్‌లో త‌న సొంతూరు బుర్రిపాలెంను ద‌త్త‌త తీసుకున్నారు. ఆ గ్రామాల అభివృద్ధికి తోడ్ప‌డుతున్నారు మ‌హేష్‌. ఇక సినిమాల విషయానికి వ‌స్తే ప్ర‌స్తుతం మ‌హేష్ ‘సర్కారు వారి పాట’ సినిమా చిత్రీకరణలో బిజీగా ఉన్నారు. ఈ సినిమాను మే 12న విడుద‌ల చేయ‌బోతున్నారు. ఫైన‌ల్ స్టేజ్ షూటింగ్‌ను జ‌రుగుతుంది. కీర్తి సురేష్ ఇందులో హీరోయిన్‌. దీని త‌ర్వాత త్రివిక్ర‌మ్ దర్శ‌క‌త్వంలో సినిమా చేయ‌బోతున్నారు. దాని త‌ర్వాత రాజ‌మౌళి డైరెక్ష‌న్‌లో మ‌హేష్ సినిమా చేయాల్సి ఉంది.

from Telugu Movie News | Movie News in Telugu | Movie Gossips in Telugu https://ift.tt/P95qIDU
v