అతను గెలిస్తే నేను ఆత్మ‌హ‌త్య చేసుకుంటా..బండ్ల గ‌ణేష్ రేంజ్‌లో హీరో శివాజీ ఛాలెంజ్‌

ఆంధ్ర‌ప్ర‌దేశ్ ముఖ్య‌మంత్రి వై.ఎస్‌.జ‌గ‌న్ ప‌రిపాల‌న‌పై రీసెంట్‌గా ఓ చానెల్‌కు ఇచ్చిన‌ ఇంట‌ర్వ్యూలో మాట్లాడారు. ప‌లు విష‌యాల‌పై ఆయ‌న త‌న‌దైన కోణంలో ఏపీ ప్ర‌భుత్వ ప‌ని తీరుపై విమ‌ర్శ‌లు చేస్తూ వ‌చ్చారు. అన్నీ రంగాల్లో ఆంధ్ర ప్ర‌దేశ్ వెనుక ప‌డుతుంద‌ని ఆయ‌న తెలిపారు. శివాజీ మాట్లాడుతూ ‘‘ఆంధ్ర‌ప్ర‌దేశ్‌లో ప్ర‌తి ఒక కుటుంబం ఈవీఎం ఎప్పుడు క‌న‌ప‌డుతుందా? అని ఎదురు చూస్తున్నారు. త‌ట్టుకోలేక‌పోతున్నారు. మూడు రాజ‌ధానులు అనే అంశంపై ద‌మ్ముంటే ఈరోజు ఎన్నిక‌ల‌కు వెళ‌దాం. అద్భుత‌మైన ప‌రిపాల‌న చేశార‌ని న‌మ్ముతున్నారు క‌దా, ఎన్నిక‌ల‌కు వెళ‌దాం. ఒక్క‌డు అంటే ఒక్క‌డు గెల‌వ‌డు. ఆ విష‌యం వాళ్ల‌కు కూడా తెలుసు. నేను వాద‌న‌.. యుద్ధం చేసే స్థాయి నాకు లేదు కానీ.. కొడాలి నానిగారిలా కింద స్థాయి మాట‌లు నేను మాట్లాడ‌లేను. నేను.. ఇండిపెండెంట్ అభ్య‌ర్థులుగా ఆయ‌న గుడివాడ త‌ప్ప, నేను మా నియోజ‌క వ‌ర్గం త‌ప్ప ఏపీలో ఎక్క‌డైనా పోటీ ప‌డ‌దాం. కొడాలి నాని గెలిస్తే నేను ఆత్మ హ‌త్య చేసుకుంటాను’’ అన్నారు. ఏపీ మంత్రిపై హీరో శివాజీ చేసిన ఓపెన్ ఛాలెంజ్ వీడియో నెట్టింట తెగ వైర‌ల్ అవుతుంది. ఇలాంటి ఓపెన్ ఛాలెంజ్‌ను గ‌తంలో సినీ న‌టుడు, నిర్మాత బండ్ల గ‌ణేష్ చేశారు. ఆయ‌న అప్ప‌ట్లో కాంగ్రెస్ పార్టీ త‌ర‌పున మాట్లాడుతూ.. కాంగ్రెస్ పార్టీ గెల‌వ‌క‌పోతే తాను సెవెన్ ఓ క్లాక్ బ్లేడుతో గొంతు కోసుకుంటాన‌ని అన్నారు. అలాంటి ఓ ఛాలెంజ్‌ను హీరో శివాజీ ఇప్పుడు చేశారు. మ‌రి హీరో శివాజీ ఛాలెంజ్‌పై ఏపీ మంత్రి కొడాలి నాని ఎలా రియాక్ట్ అవుతారో చూడాలి. హీరోగా, విల‌న్‌గా, న‌టుడిగా ప‌లు పాత్ర‌ల్లో మెప్పించిన శివాజీ ఇప్పుడు సినిమాల‌కు దూరంగా ఉంటున్నారు. రాజకీయాల్లో చాలా చురుకుగా వ్య‌వ‌హ‌రిస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/oc4QhKk
v