అల్లు అర్జున్ సినిమా మీద వస్తోన్న డివైడ్ టాక్, కొల్లగొడుతోన్న వసూళ్లకు ఎక్కడా సంబంధం లేదు. ఈ వీకెండ్ మొత్తం పుష్ప హవానే ఉండబోతోంది. పుష్ప చిత్రం మీదున్న అంచనాల నేపథ్యంలో అన్నీ టికెట్లు ముందుగానే బుక్ అయిపోయాయి. అలా మొత్తానికి పుష్ప సినిమాకు టాక్తో సంబంధం లేకుండా వసూళ్ల సునామీని క్రియేట్ చేస్తోంది. మొదటి రోజే దాదాపు 70 కోట్లు కొల్లగొట్టేసిందని మైత్రీ మూవీస్ అధికారికంగా ప్రకటించింది. ఆ విషయం మీద రకరకాల ట్రోల్స్ నడుస్తున్నాయి. మేకర్లు చెప్పే కలెక్షన్లు, విడుదల చేసే పోస్టర్ల మీద ఎప్పుడూ ఓ చర్చ నడుస్తూనే ఉంటుందన్న సంగతి తెలిసిందే. అయితే ఇప్పుడు పుష్పకు సంబంధించిన ఓ రూమర్ బయటకు వచ్చింది. పుష్ప సినిమా త్వరలోనే ఓటీటీలో రాబోతోందట. దీనికి సంబంధించిన వివరాలు ఇప్పుడు హాట్ టాపిక్గా మారాయి. పుష్ప త్వరలోనే ఓటీటీ స్ట్రీమింగ్కు రెడీ అవుతున్నట్టు తెలుస్తోంది. 2022 కొత్త సంవత్సరం కానుగా డిజిటల్ ప్రేక్షకులను అలరించేందుకు పుష్ప అమెజాన్ ప్రైంలోకి రానుందట. థియేటర్లో విడుదలైన నాలుగు లేదా ఆరు వారాల తర్వాత పుష్ప ఓటీటీకి రానుందని తెలుస్తోంది. ఇప్పుడు అన్నీ కూడా నాలుగు వారాలకే ఓటీటీలోకి వస్తున్నాయి. ఆ మేరకే స్ట్రీమింగ్ సంస్థలు ఒప్పంధాలను కుదుర్చుకుంటున్నాయి. అయితే పుష్ప విషయంలోనూ అదే నిబంధన వర్తిస్తే.. నాలుగు వారాలు అంటే.. సంక్రాంతి స్పెషల్గా జనవరి 14న ఓటీటీలో పుష్ప రాజ్ దర్శనమివ్వాలి. మరి ఈ వార్తల్లో నిజానిజాలు ఎంతున్నాయో తెలియాలంటే ఇంకొన్ని రోజులు ఆగాల్సిందే.
from Telugu Movie News | Movie News in Telugu | Movie Gossips in Telugu https://ift.tt/3E9OVnc
v
No comments:
Post a Comment