అల్లు అర్జున్ సినిమా మీద రకరకాల ట్రోల్స్, మీమ్స్ నడుస్తున్నాయి. పుష్ప సినిమా విడుదలైన క్షణం నుంచి మహేష్ బాబు టాపిక్ ట్రెండింగ్లోకి వచ్చింది. గతంలో ఇదే కథను మహేష్ బాబు రిజెక్ట్ చేశాడని, అలా మహేష్ వద్దని అనడంతోనే బన్నీకి మళ్లీ అదే కథను సుకుమార్ వినిపించాడట. అయితే ఇప్పుడు మాత్రం మహేష్ బాబు ఊహించిన ఫలితమే వచ్చిందంటూ.. మహేష్ ముందు చూపు అదుర్స్ అంటూ కామెంట్లు వైరల్ అవుతున్నాయి. అయితే బన్నీ ట్రాన్స్ఫర్మేషన్, నటించిన తీరుకు మాత్రం ఎవ్వరూ వంక పెట్టడం లేదు. అయితే పుష్ప మాత్రం అందరికీ కనెక్ట్ కాలేకపోతోంది. సినిమాలోని ఎన్నో సీన్లను జనాలు ట్రోల్ చేస్తున్నారు. గతంలో చూసిన సీన్లనే సుకుమార్ మళ్లీ తీశాడంటూ సెటైర్లు వేస్తున్నారు. ఇక సుకుమార్ కెరీర్లోనే ఇంత అసభ్యకరమైన సన్నివేశాలను ఇంత వరకు తీయలేదని చీ కొడుతున్నారు. కారులో హీరో హీరోయిన్లు, భుజం మీద చేతులు వేసే సీన్ మీద నెటిజన్లు దారుణంగా కామెంట్లు చేస్తున్నారు. పుష్ప టాక్ ఎలా ఉన్నా కూడా ఈ వీకెండ్ మొత్తం హౌస్ ఫుల్ కలెక్షన్లతో దద్దిరిల్లిపోవాల్సిందే. అయితే ఫస్ట్ డే కలెక్షన్ల విషయంలో ఒక్కొక్కరు ఒక్కోలా రాసేశారు. కొందరు అరవై కోట్ల గ్రాస్ కలెక్షన్లు అని చెప్పుకొచ్చారు. ఇంకొందరు యాభై నుంచి అరవై అన్నారు. మరి కొందరు అరవై నుంచి డెబ్బై అని చెప్పుకొచ్చారు. తాజాగా మైత్రీ మూవీస్ మొదటి రోజు లెక్కల్ని అధికారికంగా ప్రకటించేసింది. మొదటి రోజు ప్రపంచ వ్యాప్తంగా 71 కోట్ల గ్రాస్ను పుష్ప కలెక్ట్ చేసినట్టు ప్రకటించారు. ఈమేరకు ఓ పోస్టర్ను విడుదల చేశారు. అయితే దీనిపై మైత్రీని రకరకాలుగా ట్రోల్ చేస్తున్నారు. గతంలో భరత్ అనే నేను సమయంలోనూ ఇలాంటి ఫేక్ పోస్టర్లే వేశారని గుర్తు చేశారు. ఇక అల వైకుంఠపురములో మొదటి రోజు ఎంత కలెక్ట్ చేసిందో సదరు నిర్మాణ సంస్థ వేసిన పోస్టర్ను మళ్లీ ట్రెండింగ్లోకి తీసుకొచ్చారు. అందులో 80 కోట్లకు పైగా ఉంది. అంటే అల వైకుంఠపురములో సినిమాను కూడా పుష్ప బీట్ చేయలేదా? అని ట్రోల్స్ చేస్తున్నారు.
from Telugu Movie News | Movie News in Telugu | Movie Gossips in Telugu https://ift.tt/3ekjqfP
v
No comments:
Post a Comment