కరోనా నుంచి కోలుకున్న కమల్ హాస‌న్‌.. హెల్త్ బులెటిన్ విడుద‌ల‌

యూనివ‌ర్స‌ల్ స్టార్ క‌మ‌ల్ హాస‌న్ క‌రోనా నుంచి పూర్తిగా కోలుకున్నారు. దీనికి సంబంధించిన అధికారిక ప్రకటన బుధవారం విడుదలైంది. న‌వంబ‌ర్ 22న ఆయ‌న‌కు క‌రోనా సోకిన‌ట్లు అధికారికంగా ప్ర‌క‌ట‌న వెలువ‌డింది. దీంతో ఆయ‌న అభిమానులు, శ్రేయోభిలాషులు కంగారు ప‌డ్డారు. కానీ కంగారుప‌డాల్సిన ప‌నిలేదంటూ క‌మ‌ల్‌హాస‌న్‌, ఆయ‌న కుమార్తె శ్రుతి హాస‌న్ చెప్పారు. అంతే కాకుండా శ్రుతి హాస‌న్ ఎప్ప‌టిక‌ప్పుడు క‌మ‌ల్‌హాస‌న్ ఆరోగ్యం గురించి సోష‌ల్ మీడియా ద్వారా తెలియ‌జేస్తూ వ‌చ్చారు. బుధ‌వారం (డిసెంబ‌ర్ 1)న క‌మ‌ల్‌హాస‌న్‌కు చికిత్స అందిస్తోన్న రామ‌చంద్ర మెడిక‌ల్ సెంట‌ర్‌వారు అధికారిక ప్ర‌క‌ట‌న‌ను విడుద‌ల చేశారు. క‌రోనా పాజిటివ్‌తో హాస్పిట‌ల్‌లో జాయిన్ అయిన క‌మ‌ల్ హాస‌న్ ఇప్పుడు పూర్తిగా కోలుకున్నార‌ని, అయినప్పటికీ డిసెంబ‌ర్ 3 వ‌ర‌కు హాస్పిట‌ల్‌లోనే ఉంటార‌ని, డిసెంబ‌ర్ 4 నుంచి ఆయ‌న య‌థావిధిగా త‌న కార్య‌క్ర‌మాల్లో పాల్గొన‌వ‌చ్చున‌ని హాస్పిట‌ల్ వ‌ర్గాలు హెల్త్ బులెటిన్‌లో పేర్కొన్నాయి. దీంతో క‌మ‌ల్ హాస‌న్ అభిమానులు, కుటుంబ స‌భ్యులు, స‌న్నిహితులు ఊపిరి పీల్చుకున్నారు. సినిమాల విషయానికి వ‌స్తే..ప్ర‌స్తుతం క‌మ‌ల్‌హాస‌న్ యంగ్ అండ్ స‌క్సెస్‌ఫుల్ డైరెక్ట‌ర్ లోకేష్ క‌న‌క‌రాజ్ ద‌ర్శ‌క‌త్వంలో విక్రమ్ అనే సినిమాలో నటిస్తోన్న సంగతి తెలిసిందే. నవంబ‌ర్ 7న క‌మ‌ల్ హాస‌న్ పుట్టిన‌రోజు. ఆ రోజున ఈ సినిమా టీజ‌ర్‌ను కూడా చిత్ర యూనిట్ విడుద‌ల చేసింది. దీంతో క‌మ‌ల్‌హాస‌న్ ఫ్యాన్స్ పండ‌గ చేసుకున్నారు. మ‌రో వైపు క‌మ‌ల్ హాస‌న్ అమెరికాలో ఖాదీ అనే టెక్స్‌టైల్‌ను ప్రారంభించారు. దాని ప్రారంభోత్స‌వానికి ఆయ‌న అమెరికాకు వెళ్లారు. అక్క‌డ కార్య‌క్ర‌మాల్లో పాల్గొన్న త‌ర్వాత ఇండియాకు వ‌చ్చారు. ఇక్క‌డ టెస్ట్ చేయించుకుంటే ఆయ‌న‌కు కోవిడ్ పాజిటివ్ అని తేలింది. దీంతో ఆయ‌న వెంట‌నే క్వారంటైన్‌కు వెళ్లారు. శ్రీరామ‌చంద్ర మెడిక‌ల్ సెంట‌ర్ డాక్ట‌ర్స్ ప‌ర్య‌వేక్ష‌ణ‌లో ట్రీట‌మ్‌మెంట్ తీసుకుంటూ వ‌చ్చారు. ప్రారంభంలో క‌మ‌ల్ హాస‌న్ హెల్త్ బులెటిన్ విడుద‌ల చేసిన స‌ద‌రు మెడిక‌ల్ సెంట‌ర్ త‌ర్వాత ఎలాంటి ప్ర‌క‌టనా చేయ‌లేదు. దీంతో ఆయ‌న అభిమానుల్లో తెలియ‌ని టెన్ష‌న్ నెల‌కొంది. క‌మ‌ల్ హాస‌న్ ప‌రిస్థితి ఇబ్బందికరంగా కూడా ఉందంటూ గుస‌గుస‌లు వినిపించాయి. కానీ వాట‌న్నింటికీ ఇప్పుడు ఇచ్చిన హెల్త్ బులెటిన్ ద్వారా చెక్ పెట్టేశారు. బిగ్‌బాస్ త‌మిళ సీజ‌న్ 5కు వ్యాఖ్యాత‌గా క‌మ‌ల్ హాస‌న్ వ్య‌వ‌హ‌రిస్తున్నారు. ఆయ‌న‌కు కోవిడ్ పాజిటివ్ అని తేల‌డంతో ప్ర‌త్యామ్నాయంగా నిర్వాహ‌కులు క‌మ‌ల్ హాస‌న్ స్థానంలో ర‌మ్య‌కృష్ణ‌తో గ‌త వారం బిగ్‌బాస్ హోస్టింగ్ చేయించారు. ఇప్పుడు రానున్న శ‌ని, ఆది వారాల్లోనూ క‌మ‌ల్ హాస‌న్ హోస్ట్ చేసే అవ‌కాశం లేద‌నిపిస్తోంది. ఎందుకంటే డిసెంబ‌ర్ 3 వ‌ర‌కు క‌మ‌ల్ హాస‌న్ ఐసోలేష‌న్‌లోనే ఉండ‌బోతున్నారు. దీంతో ర‌మ్య‌కృష్ణ‌నే హోస్ట్ చేస్తున్నారు.

from Telugu Movie News | Movie News in Telugu | Movie Gossips in Telugu https://ift.tt/3G9qSGt
v